پەکەکە خوە ئامادە دکەت کو ئێرشەکا لەشکەری ل سەر دەڤەرا بالندا و سیتە ئەنجام بدەت

پەکەکە خوە ئامادە دکەت کو ئێرشەکا لەشکەری ل سەر دەڤەرا بالندا و سیتە ئەنجام بدەت

ھاتە زانین کو پەکەکە خوە ئامادە دکەت کو ئێریشا زەمینی یا ناڤچەیا شێلادزێ یا سەر ب دوھۆکێ بکەت. چاڤکانییێن ھەرێمی راگھاند کو پەکەکە ھێزێن خوە بەر ب گوندێ سیدا، سیتە و بالندا ڤە برنە و خەباتەکا کەشف و پلانسازییێ ل دژی بنکەیێن پێشمەرگان ئەنجام ددەت.

پەکەکە ھەول ددەت کو ئیستیفزازێ چێکەت

ھێزێن پەکەکێ ژ 27ێ تیرمەھێ هێرڤە ل ھەرێمێن چەمجی-رێنجبراخە–سیدا-پێپەرخا و ئاڤامارک کۆم دبن. چاڤکانیێن ھەرێمی راگھاندن کو پەکەکە ھەتا بەرامبەری خالا کۆنترۆلێ یا پێشمەرگەیان ب جیھ بوونە.

چاڤکانی ئەشکەرا دکەن کو پەکەکە ب جل و بەرگێن خوەیێن سڤیل و ب مۆتۆرسیکلێتان ھاتنە خالێن پشکنینێ یێن پێشمەرگە و خواستیە بێ راوەستان دەرباس ببن و سەرەدەڤ ل گەل ھێزێن پێشمەرگە کریە. خەلکێ ھەرێمێ ھەمفکرە کو تەڤگەرا پەکەکێ ب ڤی ئاوایی دخوازیت پێشمەرگەیان ئیستیفزاز بکەت و پەڤچوونا دروست بکەت.

ما ئەو پلانا کەڤن کەتە جێبەجێکرنێ دا؟

دهێتە زانین کو پەکەکێ بەرێ ژی ھەول دابوو کو ل ھەمان ھەرێمێ پەڤچوونێ چێبکەت. پەکەکێ ل شەڤا 21ێ خزیرانێ ل ڤێ قادێ دخواست ئێریشەکێ ئەنجام بدەت. ژ بۆ ڤێ یێکێ، چەک و مووشەک ب شەڤ شاندبوون ھەرێمێ. ژ 19ێ خزیرانێ هێرڤە، پەکەکە ب بەردەوامی دبێژیت کو ل ھەرێمێن چەمجی و رێنجبراخە پەڤچوون چێبوویە. چاپەمەنیا پەکەکێ ب ئاشکەرایی گۆت کو “ڤێ جارێ، شەرێ کو دێ دروست بیت، دێ شەرەکێ مەزن بیت کو چ کەس نکاریت ڤی شەری راوەستینیت.”

پشتی داخویانیێن ئۆزگوور ژییاندا، پلان ھاتە گوھرین

ل وێ شەڤێ ئاژانسا ئەولەکاریا ھەرێما کوردستانێ داخویانیێن ئۆزگوور ژیاندا، یەک ژ فەرماندارێن پەکەکێ-ھەپەگێ، بەلاڤ کر. ئۆزگور ژیاندا د 9ێ خزیرانێ دا ژ پەکەکێ ڤەقەتیا، ل ھەمبەر ئێرشێن پەکەکێ یێن ل دژی ھەرێما کوردستانێ و پێشمەرگەیان ھەلوەست نیشان دا و ھات جەم ھێزێن پێشمەرگێ کوردستانێ. ژ بەر کو ئۆزگوور ژیاندا ھوورگلیێن کوشتن و ئێرشێن پەکەکێ یێن ل سەر پێشمەرگەیان د سالا بۆری دا ئاشکەرا کر، رەوشا بوویەرێ ژی گوھەری. پەکەکێ پلانێن خوە ژ بۆ دەمکێ راوەستاندن.

پەکەکە ئامادەکاریا ژ بۆ ئێرشەکا مەزن دکەت

چاڤکانیێن ھەرێمی دیار دکەن کو دبیت پەکەکە د دەمەکێ کورت دا ئێریشێ بکەت. ڤەگوھاستنا ھێزێن پەکەکێ ژ بۆ دەڤەرێ و کریارێن وان یێن ئیستیفزازی، ھەولدانێن وان یێن ژ بۆ ئیستیفزازکرنا پێشمەرگە و درەوێن وان یێن مەدیایی، ڤێ یەکێ تەکەز دکەن. ھەر وەھا ژ بۆ پێشیگرتنا بەرتەکێن دەولەتێن ئەورۆپا یێن ھەمبەر ئێریشێن پەکەکێ ژی ئامادەکاری ھاتنە کرن. پەکەکە د بن ناڤێ “دەفەند کوردستان” دا کۆمەک ژ مرۆڤێن خوە ئامادە کرنە ژ بۆ کو رایا گشتی د وارێ سییاسی دا سەردا ببەن و راستیان بەروڤاژی بکەن، ل کۆلانێن ئەورۆپایێ ھنسەک چالاکیان دێ ئەنجام دەت. ووسا دیارە کو پەکەکە پلان دکەت کو د تەباخێ دا ڤێ ئێریشێ ئەنجام بدەت، ئەو وە دفکریت کو شەرت و مەرجێن ھوندور و دەرڤە ژ بۆ ڤێ پلانێ د گونجایی نە.

ھەرێما رێنجبراخە و چەمجی ھەرێمەکە کو سڤیل تێ دا دهێن و دچن، و ئەو نە قادا شەرێ پەکەکێ و دەولەتا ترکایە. پشتی کو چیایێن ستراتەژیک یێن ل ھەرێمێن مەتینا، هەفتەنین، زاپ و ئاڤاشین ژ بۆ ئارتێشا ترک ھاتینە هێلان، پەکەکە ژ بۆ ڤەکرنا قادەکا نوو ژ بۆ خوە بەر ب ھەرێمێن سڤیل ڤەکێشیا. ھندەک دەڤەر ژ خەلکی ھاتنە قەدەغە کرن، ل ھندەک دەڤەران ژی گوندی وەکی مەرتالێن زیندی بکار تینیت.

ھەتا نھا 9 پێشمەرگە شەھید بوونە

د ئەنجاما ئێریشێن کو پەکەکێ د ئەیلوولا پار دا دابوونە دەستپێکرن، ھەتا نھا 9 پێشمەرگە شەھید بوونە و ب دەھان پێشمەرگە ژی بریندار بوونە. پەکەکێ ھەتا نھا ژی بەرپسیارییا ڤان ئێرشان نەگرتییە سەر خوە. پەکەکێ ئەڤ ھەموو چالەکییێن خوە وەکو پەڤچوونەک  چێبوو، مە زانیاری ل سەر نینە، بلا بوویەر بهێتە ڤەکۆلینکرن و ھتد خواست رایا گشتی یا کوردا ب ڤان گۆت-گۆتکان مژوول بکەت. لێ 9 شەھید و دەھان بریندار ژی ھەنە، ل سەر ڤێ مژارێ ھەتا نھا پەکەکێ چ داخویانی نەدانە و نادەتإ ژی.

پوستێن ھەمان بەش