سەرۆکێ ھەرێما کوردستانێ و سەرۆکا پەرلەمانێ کوردستانێ دێ چنە ئیرانێ

سەرۆکێ ھەرێما کوردستانێ و سەرۆکا پەرلەمانێ کوردستانێ دێ چنە ئیرانێ

 رایەدارێن پایەبلندێن ھەرێما کوردستانێ ژ بۆ بەشداریکرن د مەراسیما دەستبکارکرنا سەرۆکێ نوو یێ کۆمارا ئیسلامی یا ئیرانێ ئیبراھیم رەیسی دێ چنە ئیرانێ.

بریارە رۆژا پێنجشەمبێ، سەرۆکێ ھەرێما کوردستانێ نێچیرڤان بارزانی ب مەبەستا بەشداربوونا مەراسیما دەستبکاربوونا سەرکۆمارێ نوویێ ئیرانێ ئیبراھیم رەیسی، بچیتە تەھرانێ.

ھەروھا چاڤکانیەکێ ژ پەرلەمانێ کوردستانێ ژ بۆ K24ێ راگھاند؛ بریارە رۆژا چارشەمبێ 4ێ تەباخا 2021ێ، سەرۆکا پەرلەمانێ کوردستانێ رێواس فایەق بچیتە تەھرانێ، دا کو بەشداری مەراسیمێ ببیت.

د ئاستا حکوومەتێ دا ژی، وەزیرێ ئەوقاف و کارووبارێن ئۆلی پشتیوان سادق، وەزیرێ رەوشەنبیری حەمەیێ حەمە سەعید، وەزیرا کار و کارووبارێن جڤاکی کوێستان محەمەد، کو نوونەرتیا ئالیێن بەشداربوویێن کابینەیا نەھەما حکوومەتا ھەرێما کوردستانێ دکەن، بەشداری مەراسیمێ دبن.

ھەروھا سەرۆکێ دیوانا سەرۆکاتیا ھەرێما کوردستانێ فەوزی حەریری ژی دێ بەشدار بیت.

بریارە سبە ئیبراھیم رەیسی سۆندا یاسایی بخوە و ئێڤارا رۆژا پێنجشەما داویا ڤێ ھەفتەیێ د مەراسیمەکێ دا ب فەرمی وەکو سەرک کۆمارێ نوویێ کۆمارا ئیسلامی یا ئیرانێ دەست ب کار ببیت.

پوستێن ھەمان بەش