ئاسایشا ھەولێرێ ل سەر تەرۆرکرنا ئەندامێ کۆمیتەیا پەدەکەیا رۆژھلات مووسا باباخانی داخویانیەک بەلاڤ کر.
ئاسایشا ھەولێرێ ل سەر تەرۆرکرنا ئەندامێ کۆمیتەیا پەدەکەیا رۆژھلات، مووسا باباخانی کو رۆژا 7ی ڤێ مەھێ ل ھەولێرێ ھاتبوو تەرۆرکرن، داخویانیەک بەلاڤ کر و راگھاند، گومانلێکریێ سەرەکییێ وێ روودانێ کەسەکە ب ناڤێ «سەرمەد داووود عەبد عەلی» کو وەک سامان ئیلامی دهێتە ناسکرن.
ئاسایشا ھەولێرێ راگھاندیە، تۆھمەتبارێ سەرەکی یێ وێ چالاکیا تەرۆریستی رەڤیایە ئیرانێ لێ فەرمانا گرتنا وی ھاتیە دایین و ھەولێن گرتنا وی بەردەوامن. ھەر پێشھاتەک نوو ژی روو بدەت دێ رایا گشتی هێتە ئاگەھدارکرن.
ئاسایشا ھەولێرێ د دووماھیکا داخویانیێ دا گۆتیە، بلا خەلکێ ھەولێرێ پشتراست بن کو ئەم دێ وەک ھەر جار جان و مالێ وان پارێزین.
