ئەمریکا ب بریارەکی ھێزێن خوە ژ ئەفغانستانی ڤەکشاندن و دەستھلات کەتە د دەستێ تەڤگەرا تالبان دا. ڤەکشاندنا ئەمریکایێ ژ بەری سالەکی کەشف بوو. ئەمریکایێ ھندەک ھەڤدیتن ل گەل تالبانێ پێکانین و بریار دابوون کو داویا سالا 2021ێ ژ ئەفغانستانێ ڤەکشن. ئەڤ سیاسەتا ئەمریکایێ یە و ل گۆرا بەرژەوەندیێن خوە بریارەک دا.
ل گۆرا ئاگاھداریان و مەدیا جھانی ژ بلی ھێزێن ئەمریکا و ناتۆیێ ، ئارتێشا ئەفغانستانێ 300 هەزار لەشکەر بوون. ھەروەھا دبێژن ھەژمارا چەکدارێن تالبان ب 75 هەزرا دھاتا تەخمین کرن. ئەگەر ل وەلاتەکێ دا ئارتێشەک 300 ھەزار کەسی و خوەدیێ چەکێن گران و مۆدەرن نەکاریت ل ھمبەر 75 ھەزار جەکداران خوە بپارێزیت، گەلۆ گازندا ژ ئەمریکایێ چیە؟ ئەمریکا ل گۆرا بەرژەوەندیێن خوە کار دکەت. لێ دەستھلاتا ئەفغانستانێ چ جارا نەفکری کو، ئەگەر رۆژەکی ئەمریکا و ھەڤالبەندێن وان ئەفغانستانی تەرک بکەن دێ چەوا وەلاتێ خوە پارێزن.
ئەڤ یەک ئیرۆ ل ئەفغانستانی بوو، لێ سبەھی ل ئیراقێ و سوریایێ ژی ھەمان تشت دبیت رووبدە. دەما ئەمریکا ژ ئیراقێ ڤەکێشیت، گەلۆ دێ تەرکا کوردستانێ ژی کەت یان نە؟ ئەڤ پرسیارە د ناڤا دەستھلاتا کوردستانێ دا بابەتێ گۆتوبێژێیە. ئەگەر ئەمریکا خوە ژ ئیراق و کوردستانێ ژی ڤەکشیت، دێ کورد چ کەن؟
تشتا کو دهێتە زانین ئەوە کو ئەمریکا وەک ژ ئەفغانستانێ ڤەکشایی ژ ئیراق و کوردستانێ ڤەناکێشیت. ئەمریکا ھێزێن خوەیێن شەرکەر ڤەدکێسیت. لێ وەکی دی دمینیت و ھەر ئێریشەک ل ھمبەر وان چێببیت د جھ دا ژ ھندەک وەلاتێن جیران بەرسڤا وان ددەت.
ژ ئالیەک دی رەوشا کوردا جودایە. ئەگەر د ناڤا کوردان دا خیانەتەک دەست نەدە، حکومەتا ھەرێما کوردستانێ خوەدی وێ ھێزێیە کو بکاریت خوە ل ھمبەر ئێریشێن کو روو بدەن بپارێزیت. ژ بۆ ڤێ یەکێ ژی یەکرێزیا ئالیێن سیاسی ل کوردستانێ گەلەک گرنگە.
مرۆڤ دکاریت بێژیت کو، دەما پشتی ریفراندۆما سەرخوەبوونا کوردستانێ، ئیراقێ ب ھەموو ھێزا خوە ب پشتگریا ئیرانێ ئێریشێ کوردستانێ کر. د ناڤا کوردان دا گرۆپێن خیانەت کرنێ دەرکەتن و پشگریا ئیراقێ کرن. لێ تەنێ حەزا پەدەکێ کاری پاراستنا کوردستانێ بکەت و خەلکێ کورد بپارێزیت. ئەگەر خیانەتا 16ێ ئۆکتۆبەرێ نەبایە ، ئارتێشا ئیراقێ تەڤی میلیشیایێن شیعە نەدشیان گاڤەکێ ل کوردستانێ پێشبکەڤن.
ئیرۆ رەوش جودایە، خیانەت ھاتیە تەشھیر کرن، یەکرێزیەک د ناڤا ئالیێن کوردستانی دا ھەیە. ئالیێن سیاسی ھێزێن خوە تێخنە د بن دەستهەلاتا حکوومەتا کوردستانێ دا. ھێزەک نیشتیمانی یا دەستھلاتداریا کوردستانێ ڤە گرێدایی چێدبیت. ئەمریکا ژ کوردستانێ ب تەمامی ڤەناکێشیت و بنگەھێن خوە راناکەت. ژ بەر کو جھێ ژ بۆ وان ئەولەھیا وان ھەیی، تەنێ کوردستانە.
ئەگەر ئەمریکا ژ باشوورێ کوردستانێ دەرکەڤیت دێ مەجبوور بیت تەرکا سوریا و رۆژئاڤایێ کوردستانێ ژی بکەن. ئەمریکا ھەموو ئۆپەراسیۆنا سوریا و رۆژئاڤایێ کوردستانێ ل ھەولێرێ رێڤە دبەت. تشتا ھاتی سەرێ ئەفغانستانی دکارە ب سەرێ ئراقیا ژی بهێت. لێ ھەمان تشت کێماسی د ڤێ قۆناخێ دا ب سەرێ کوردا ناهێت. دیارە باشوورێ کوردستانێ دەستھلاتا کوردستانێ د ڤی واری دا دزانیت دێ چ چێبیت و ل گۆرا وێ ژی تەڤدگەریت.
نووچە/ئانالیز/رۆژەڤا کورد
