ل ترکیێ و باکورێ کوردستانێ %51 ل دژی رێبازا ئاردۆگانن

ل گۆر راپرسیا کۆمپانییا مەترۆپۆلێ، ل ترکیێ و باکورێ کوردستانێ %51ێ ژ وەلاتییان ژ رێبازا سەرۆککۆمار رەجەب ته‌یب ئاردۆگان نه‌رازینه‌، هەروه‌ها پشتگرییا ژ بۆ ئاردۆگان رۆژ ب رۆژ کێمتر دبە.

کۆمپانییا راپرسیێ یا مەترۆپۆلێ د ناڤبەرا 19-23 تەباخێ دا ل 28 باژارێن ترکیە و باکورێ کوردستانێ ب 1717 کەسان رە ل سەر «رێبازا رێڤەبرنێ یا سەرۆککۆمارێ تركیێ رەجەب ته‌یب ئاردۆگان» راپرسییەک کر.

د راپرسیێ دا ژ بەشدارڤانان پرسا «هوون رێبازا ئاردۆگان» «ئەرێ» دکه‌ن یان ناکه‌ن هات کرن، ژ %51ێ بەشدارڤانان گۆتنە ئەم «ئەرێ» ناکه‌ن و %38.5 گۆتنە ئەم «ئەرێ» دکه‌ن، هەروه‌ها ژ %10.5 ژی گۆتنە  مه‌ چ نه‌رینه‌ك د ڤێ مژارێ ده‌ نینه‌.

د مەها تیرمەهێ دا رێژەیا کەسێن کو پشتگرییا ئاردۆگان دکرن %48.1 بوو، هەروه‌ها پشتگرییا دەنگدێرێن مه‌هه‌پێ بۆ ئاردۆگان ب ئاوەیەکی بەر ب چاڤ داکەتییە، د مەها تیرمەهێ دا ژ دەنگدێرێن مه‌هه‌پێ %76.8ێ وان پشتگرییا ئاردۆگان کربوون، لێ ئەڤ رێژە د مەها تەباخێ دا داکەتییە %54.5.