عه‌سكه‌ره‌ك ترك و دو چه‌كدارێن په‌كه‌كێ هاتن كوشتن

عه‌سكه‌ره‌ك ترك و دو چه‌كدارێن په‌كه‌كێ هاتن كوشتن

شه‌رێ تركیێ و په‌كه‌كێ ل سه‌ر خاكا باشوورێ كوردستانێ ده‌وام دكه‌، هه‌ر داوی عه‌سكه‌ره‌ك هات كوشتن و دو گه‌ریلایێن په‌كه‌كێ ژی جان دانه‌.

ل گۆری داخویانییا وه‌زاره‌تا به‌ره‌ڤانیێ یا تركیێ، عه‌سكه‌ره‌ك ترك ب ناڤێ عومه‌ر فارۆق ئه‌رده‌م، ژ هێلا چه‌كدارێن په‌كه‌كێ ڤه‌ هاتییه‌ كوشتن و یه‌كێ دن بریندار بوویه‌.

ژ هێلا خوه‌ ڤه‌، هه‌په‌گێ باسكێ سه‌ربازی یێ په‌كه‌كێ دوهـ رۆژا شه‌می ناسنامه‌یا دو گه‌ریلایێن خوه‌ به‌لاڤ كر كو ب ده‌ستێ عه‌سكه‌رێ ترك هاتنه‌ قه‌تل كرن.

هه‌روه‌ها د ئێریشێن دوهـ ده‌، 2 گه‌ریلایێن په‌كه‌كێ ل ناڤچه‌یا ئاڤاشین یا باشوورێ كوردستانێ هاتنه‌ هه‌ده‌ف كرن.

ئارتێشا ده‌وله‌تا داگیركه‌ر پاش كوشتنا عه‌سكه‌رێ وان، ئیرۆ ناڤچه‌یێن باشوورێ كوردستانێ ب ته‌یبه‌ت سینۆرێ باتیفا و زاخۆ تۆپباران كرنه‌.

ژ ئه‌نجاما شه‌رێ په‌كه‌كێ و تركیێ ل باشوورێ كوردستانێ، ته‌نێ زرار ب شێنیێن باشوور دكه‌ڤه‌، ژ 15 تیرمه‌ها سالا رابووری ڤه‌، ب ده‌هان گوند هاتنه‌ چوول كرن و ب قاسی ملیارێن دیناران زرار ب كه‌رتێ چاندنیێ یێ پارێزگه‌ها دهۆكێ كه‌تییه‌.

پوستێن ھەمان بەش