پهكهكێ ئیرۆ مرنا دو بهرپرسێن خوه یێن دێرین راگههاند، ل گۆری رێخستنێ ئهڤ ههردو كهس ب نهخوشیێ جانێ خوه ژ دهست دانه.
رێخستنا پهكهكێ ئیرۆ رۆژا سێشهمێ 14/9/2021ێ د دهربارێ دو رێڤهبهرێن خوه یێن رۆژئاڤا كوردستانێ داخویانی بهلاڤ كر و تێدا دیار كر، «عیرفان گولەر» ب كۆدناڤێ عادل ئورفا و «سهعید ئوچلو» ب كۆدناڤێ فەرات ب نهخوهشیێ جانێ خوه ژ دهست دانه.
د داخویانیێ دا هات گۆتن کو عرفان گولەر د 14ێ ئادارا 2021ێ دا و سهعید ئوچلو ژی د 29ێ ئادارا 2021ێ دا ژ بەر نەخوەشیێ ژیانا خوە ژ دەست دانە.
عرفان گولەر ژ ل سوێرەکێ تەڤلی پهكهكێ ببوو، هەتا سالا 1980ێ د کۆمیتەیا پهكهكێ دا ئەرکا سەکرەتەریێ مەشاندییە، د دەما كۆدهتایا 12 ئیلۆنا 1980ێ دا کەتییە گرتیگەهێ و د سالا 2000ی دا سەربەست هاتییە بەردان.
سهعید ئوچلو ژی د سالا 1977ێ دا ل دیلۆکێ تەڤلی پهكهكێ بوویە، پشتی كۆدهتایا 12ێ ئیلۆنێ ل ناڤچەیا جورنێ رەش یا رهایێ رێڤەبهری کرییە، پاشێ هاتییە گرتن و 20 سال د گرتیگەهێ دا مابوو.
ل گۆری دخویانیێ عرفان گولەر و سهعید ئوچلو پشتی کو ژ گرتیگەهێ دەركهتین ڤەدگەرن ناڤ پهكهكێ و ل چیا چالاکیێن خوە مەشاندنە.
ههر چهند كو رێخستنا پهكهكێ دبێژه كو سهعید و عرفان ب نهخوهشیێ جان دانه، لێ بهلێ وهختا مرنا وان جیهێ گۆمانێ یه ژ بهر كو یێك ل 14 یێك ل 29ێ ئادارا ئیسالێ مرنه، هنهك چاڤكانیێن رۆژئاڤا كوردستانێ ب دوور نابینن كو سهعید و عرفان هاتبن تاسفییه كرن.
