ژ 13ێ ئیلۆنا 2021ێ هەتا نها دارستانێن باژارۆکێ پولورێ سەر ب پارێزگەها دێرسمێ یا باکورێ کوردستانێ ڤە پشتی بۆمبەبارانکرنا ناڤچەیێ ژ ئالیێ ئارتێشا ترکیێ ڤە د شەوتن.
هات راگهاندن، ژ دوهـ رۆژا سێشه‌میێ 14/9/2021ێ ڤه، د دەمژمێرێن ئێڤاری دا ب هەلیکۆپتەران هەولا کۆنترۆلکرنا ئاگرێ دارستانێ دەستپێ کرییە، لێ به‌لێ ژ بەر هێزا با، هەر کو دچە ئاگر رووبەرەکی بەرفرەهتر ددە بەر خوە.
هەروها ژ بەر کو چوونووهاتن ل ناڤچەیێ قەدەخەیە وەلاتی ژی نکارن هەولا ڤەمراندنا ئاگر بدن.
سەرۆکێ شارەدارییا دێرسمێ د ڤێ ده‌ربارێ ده دبێژه: د ناڤبەرا گوندێن خەزکو و سەڤقو ده یێن سەر ب باژارۆکێ پولورێ پشتی ئۆپەراسیۆنا سەربازی یا ئارتێشا ترکیێ، ئاگر ب دارستانێن ناڤچەیێ کەتییە.
