پێنج چه‌كدارێن رێخستنا په‌كه‌كێ كه‌تن به‌ر مووشه‌كێن باله‌فرێن بێ پیلۆت یێن ده‌وله‌تا تركیێ و جان دان، رێخستنا په‌كه‌كێ ژی دبێژه: ملیتانێن ئاپۆ هه‌لیكۆپته‌ره‌ك نه‌چار كر ژ قادێ بره‌ڤه!.
ل گۆری داخویانییا وه‌زاره‌تا ناڤخوه یا تركیێ كو ئیرۆ رۆژا یه‌كشه‌می 19/9/2021ێ پارڤه‌كرییه، د ئێریشه‌كێ ده كو باله‌فرێن بێ پیلۆت ل چیایێ هه‌ره‌كۆلێ یێ پارێزگه‌ها سێرتێ ل باكورێ كوردستانێ ئه‌نجام داییه، 5 گه‌ریلا هاتنه كوشتن.
رێخستنا په‌كه‌كێ ل ده‌ربارێ ڤێ ئێریشێ تو ئاگاهی نه‌دانه، لێ به‌لێ دوهـ رۆژا شه‌می هه‌په‌گێ داخویانی دا و گۆت: گه‌ریلایان 2 عه‌سكه‌ر جه‌زا كرنه و هه‌لیكۆپته‌ره‌ك ده‌ربه كرییه!.
ل گۆری هه‌په‌گێ، گه‌ریلایان دو عه‌سكه‌ر ل ده‌ڤه‌را ئاڤاشین یا باشوورێ كوردستانێ جه‌زا كرنه.
هه‌په‌گێ ده‌ست نیشان كر، هه‌لیكۆپته‌ره‌كا ئارتێشا تركیێ ژی ل 17 ڤێ مه‌هێ كو دخوه‌ست گوندێن هرۆرێ و كێسته بۆمبه‌باران بكه، ژ هێلا گه‌ریلایان ڤه هات ده‌ربه كرن و نه‌چار ما ژ قادێ بره‌ڤه.
د ده‌واما داخۆیانییا هه‌په‌گێ ده هاتییه: گه‌ریلایان ب ڤینا میلتانێتییا ئاپۆ!! شه‌ر كرن و نه‌هشتن دژمن پێشڤه وه‌ره.
