سەرۆکێ گشتی یێ پارتیا کۆمارییا گەل (جەهەپێ) کەمال کلچدارۆغلو گۆت کو ئیمرالی نە ئۆرگانەکا مەشرووع یا دانووستاندنێ یە، لێ ئەو دکارن ھەدەپێ مەشرووع ببینن و پرسا کوردی چارەسەر بکەن.
کلچدارۆغلو ژ بۆ رۆژنامەڤانێ ترک گونەل جانتاک ئاخڤت و دەربارێ مژارا چارەسەرکرنا پرسا کوردا دا گۆت، پرسا کوردا خوەدی دیرۆکەکا 35-40 سالانە و ژ بۆ چارەسەرکرنێ پێدڤی ب ئۆرگانەکا مەشرووع ھەیە کو رێبەرێ پەکەکێ عەبدوللا ئۆجالانێ ل گراڤا ئیمرالییێ گرتی نە ئۆرگانەکا مەشرووعە.
د بەردەوامیا ئاخافتنا خوە دا کلچدارۆغلو دیار کریە، “ئەم دکارین ھەدەپێ وەکی ئۆرگانەکا مەشرووع ببینین. ھەگەر ئەڤ پرسە بهێتە چارەسەرکرن ئەم دکارین لگەل وێ ئۆرگانا مەشرووع چارەسەر بکەین.”
