هندەک بەرپرسێن رێڤەبەریا خوەسەر یا سەر ب پەیەدێ ڤە پشتی کو پارەیان دەست خوە تێخن درەڤن و هەیا نها چ کەسەک نزانیت ئەو ب کودا چوونە.
چاڤکانیێن پێگەها دارکا مازی راگهاندن 3 بەرپرسێن پەیەدێ ل رۆژئاڤایێ کوردستانێ پشتی 29/8/2021ێ، ریزێن پەیەدێ ب جی هشتنە و ب پارەیێن ل بەر دەستێ خوە دا رەڤیانە و سەرەرای کو هندەک کەس ووسا دبێژن ئەو رەڤیانە ترکیێ، لێ بەلێ، چ زانیاریێن پشتراستکری د دەست دا نینە.
چاڤکانیێن پێگەها دارکا مازی ل رۆژئاڤایێ کوردستانێ راگهاندن، هەر یەک ژ باسل عەبدو، ژ عەشیرەتا بووعاسیە، بەرپرسێ بەشێ لەکۆلینێن تاوانێن رێکخستی، کو ب سەدەما ئیشکەنجەکرنا هۆڤانە یا گەل د زندانێن پەیەدێ دا، گەل ئەو ب داعشێ زەر ب ناڤ دکر لگەل 4 پاسەوانێن خوە رەڤیایە.
چاڤکانیێن مە هەر وەها راگهاند، بەرپرسا دویەمین یا پەیەدێ ب ناڤێ (هەڤال رێزان) کو هەڤسەرۆکا باژارۆکێ گرکێ لەکێ یە ژی هەموو پارەیێ ل بەر دەستێن خوە لگەل خوە دا برنە و بازادایە.
بەرپرسێ سێیەمین ژی کو بەرپرسێ وەرگرتنا پارەیێ ئاڤێ ل حەسەکێ بوویە هەموو پارەیێن ل بەر دەستێن خوە کو پارەیێ شەش مەهێن ئاڤا باژێری بوون لگەل خوە دا برینە و رەڤیایە.
ئەڤ نە جارا یەکەمینە کو بەرپرسێن پەیەدێ پارەیێ گەل ل رۆژئاڤا ددزن و پشترا د رەڤن، داوی بەرپرسێ پەیەدێ کو پارەیێن ل بەر دەستێن خوە لگەل خوە دا بربوون و رەڤیابوون، بەرپرسێ دارایی یێ ئەنجوومەنا منبجێ یا رێڤەبەرییا خوەسەر بوو کو پەکەکێ ل شوونا گرتن و سزادانا وی د بریارەکا گەلەک بالکێش دا زارۆکێن وی وەکو دیل گرتبون و گۆتبوو بابێ وان گەر خوە تەسلیمی پەیەدێ نەکەت دێ زارۆکێن وی د زیندانێ دا مەزن بن.
