په‌كه‌كێ كوردێن ئێزدی ل شه‌نگالێ بێزار كرنه
کەسایەتیێن ئێزدی ل شنگالێ راگه‌هاندییە، ب کارئانینا ژن و زارۆکێن ئێزدی ژ بۆ رێگریکرنێ ل بانگەشەیا هلبژاردنێ کارەکی خرابە و ل دژی مافێ خەلکێ شنگالێ یە.
وەکیلێ میرێ ئێزدییان ژ بۆ کار و بارێن پەیوەندییان جەوهەر عەلی بەگ د هەڤپەیڤینەکێ دا ژ بۆ باسنیوزێ گۆت: «دڤێ هەموو ئالی ب شێوەیەکی ئاسایی بانگەشەیا خوە یا هلبژاردنێ بکن و رێگری ل بانگەشەیا هلبژاردنێ ل شنگالێ کارەکی باش نینە، نها هەرێما کوردستانێ هەموو حزب و ئالییەک بە شێوەیەکی گەلەکی باش بانگەشە دکن، دڤێ ئەزموونا دەموکراسییا هەرێما کوردستانێ وەرە ڤەگوهەستن ژ بۆ هەموو پارێزگەهێن ئیراقێ، ئەو ئالیێن دژایەتیا بانگەشەیا هلبژاردنێ بکە ل دژی دەمۆکراسیێ یە و ل شنگالێ نابە رێگری ل بانگەشەیا هلبژاردنێ وەرە کرن».
هەروه‌ها کەسایەتیێ ئێزدی ل شنگالێ، ئیلیاس ناسۆ ژی ژ باسنیۆزێ را ئاخڤی و دا زانین:«خەلکێ شنگالێ گەلەکی نیگەرانن ژ کریارێن په‌كه‌كێ و ئەو تەنێ خستنا فیتنە و ئاژاوەیێ یە و هەردەمەکێ کادرێن په‌ده‌كێ تێن شنگالێ په‌كه‌كه ب ناڤێن ئێزدییان رێگریێ ل وان ل دکە، په‌كه‌كه دخوازه شەر و ئالۆزی بکەڤە ناڤا شنگالێ و ئەم ژ کریارێن په‌كه‌كێ گەلەکی بێزار بوونە».
ل ئالیێ دن فەرماندەیێ هێزا ئێزیدخانێ حەیدەر شەشۆ د بانگەشەیا هلبژاردنێ دا گۆت: «ئەم خەلکێ شنگالێ دڤێ دەنگێ خوە بدن خەلکێ خوە کو بەرپرسیارەتییا خوە ب جی بینن و شنگالێ ژ دەستێ چەند ئالییان دا ده‌رخینن، ل شنگالێ رێگری ل مێڤانێن شنگالێ هاتییە کرن کو کارەکی دوور ژ دەمۆکراسی و مافێ مرۆڤانە و دڤێ هەموو ئالیەک بانگەشەیا خوە بکن مخابن ئالیەک کەچ و ژن و زارۆکێن شنگالێ بکار تینن و هیچ رێزێ ل ئێزدیاتیێ ناگرن».
