ئۆزجان یلدز یێ به‌رپرسێ په‌كه‌كێ د ئێریشه‌كا تركیێ ده ل چیایێ گاره هاته كوشتن، ناڤبووری ل 2012ێ ل ده‌ڤه‌را هه‌كاریێ به‌شداری ئێریشه‌كێ ببوو و تێده 8 عه‌سكه‌ر هاتبوون كوشتن.
ئارتێشا تركیێ ئیرۆ رۆژا چارشه‌می 6/10/2021ێ كوشتنا به‌رپرسێ په‌كه‌كێ یێ ب ناڤێ «ئۆزجان یلدز» و كۆدناڤێ «دكتۆر رۆدی» د ئێریشه‌كا میتێ ده، ل چیایێ گاره یێ باشوورێ كوردستانێ راگهاند.
د داخویانییا ئارتێشا تركیێ ده هاتییه گۆتن كو «ئۆزجان» ل سالا 2012 ل ده‌ڤه‌را هه‌كاریێ به‌شداری ئێریشه‌كا په‌كه‌كێ یا ل دژی ئارتێشا تركیێ ببوو كو تێده 8 عه‌سكه‌رێن ترك هاتبوون كوشتن.
«دكتور رۆدی» ل سالا 1999ێ ته‌ڤلی په‌كه‌كێ بوویه، ل سالا 2013ێ هاتییه باشوورێ كوردستانێ و ئه‌رك ل قه‌ندیلێ، زاپێ، ئاڤاشین و پشتره ل شه‌نگالێ وه‌رگرتنه.
