رێخستنا پهكهكێ وهكه ههر جار ب تهرزێ تهرۆرێ رێیا گوند و باژارۆكێن باشوورێ كوردستانێ مایین و TNT دكهت، ئیرۆ هێزا پێشمهرگههان ههولهكا دی یا ڤێ رێخستنێ بۆ TNT كرنا مفرهقا بابیرێ ژ ناڤ بر.
چاڤكانیێن پێگهها «داركا مازی» ل باشوورێ كوردستانێ ئهشكهره كر، ئیرۆ رۆژا شهمبی 9/10/2021، هێزا پێشمهرگههان TNT یهك ل مفرهقا گوندێ بابیرێ ژ ناڤ بر كو ژ هێلا چهكدارێن پهكهكێ ڤه ل سهر رێیا پێشمهرگههان هاتبوو دانان.
دهست نیشان كر، پهكهكێ ئهڤ TNT ل مفرهقا گوندێ بابیرێ ل نێزی گهلیێ دهێ، گرێدای پارێزگهها دهۆكێ دانابوو.
ل گۆری ئاگاهیێن دهستێ مه، TNT یا كو پهكهكێ ل مفرهقا بابیرێ دانای، ب قاسی 2 ههیا 3 كیلۆگرامان بوو و 50 مهترۆیان دووری جادهیا سهرهكی دانابوو.
رێخستنا پهكهكێ ل ڤان مههێن داویێ دانانا TNT یان ل سهر رێیا گوندێن باشوورێ كوردستانێ و رێیا پێشمهرگههان بۆ خوه كرییه كار و كهسابهت، ههری كێم د دهما سالهكێ دا، ئهڤ دبیته TNT یا 10ێ یا پهكهكێ كو ژ هێلا هێزا پێشمهرگههان ڤه دهێته پووچ و ژ ناڤ برن.
هێژای گۆتنێ یه، حكوومهتا باشوورێ كوردستانێ، ژ نهمانا رژێما سهدام د ههولێن بهردهوام دا یه ژ بۆ كو ناڤچهیێن باشوور ژ مایین و تهقهمهنییان خهلاس بكهت، ئهو ماینێن كو ل دهما خوه ڤێ رژێما دیكتاتۆر د رێیا پێشمهرگههان دا د دانان، لێ بهلێ پهكهكه ژ نووڤه هاتییه و چاڤ ل رژێما سهدام دكهت و رێیا پێشمهرگههان مایین و TNT دكهت.
