رێخستنا مافێن مرۆڤان عه‌فرینێ راگه‌هاند کو ژنەکا کورد ل ژێر ئه‌شكه‌نجه‌یا ئیستخباراتێن ترکیێ و چەکدارێن ئۆپۆزسیۆنا سووریێ، جانێ خوە ژ دەست دایە.
ل گۆری رێخستنا ناڤووری، رۆژا دوشەمبێ، 11 ئیلۆنێ، ئیستخباراتا ترکیێ و پۆلیسێن سڤیل، وەلاتییا کورد یا ب ناڤێ «نمات بەهجەت شێخۆ» یا 32 سالی، ژ گوندێ قوبە هەمشەلک سەر ب راجۆیێ ڤه، گرتنە.
هەمان رێخستنێ دیار کر کو ژنا ناڤبووری ب دوگیان بوویە و د مەها شەشەم یا دوگیانیێ دا بوویە، و ل گەل هەڤژینێ وێ «خەلیل ناسان» یێ 36 سالی و 2 کەسێن دی هاتنە گرتن و ژ بۆ ناڤەندا ئیستخباراتا ترکیێ، ل دبستانا ئەمیر خووباری، هاتنە برن.
ل گۆر وێ رێخستنێ، ئەو 6 دەمژمێران هاتنە ئه‌شكه‌نجه‌دان و د ئەنجاما ئه‌شكه‌نجێ دا ژنا کورد بۆ نەخوەشخانەیێ هاتییە راکرن، لێ ژ بەر ئه‌شكه‌نجێ ژنا دوجانی پشتی چەند رۆژان گیانێ خوە ژ دەست دایە.
