د ناڤبەرا چه‌ته‌یێن تركیێ و هه‌سه‌دێ دا شەر دەرکەت

qsd-turkey militan (2)

ل ناڤچەیا عه‌ین عیسا یا رۆژئاڤایێ کوردستانێ، د ناڤبەرا هێزێن سووریا دەمۆکراتیک هه‌سه‌دێ و كۆمێن چەکدارێن گرێدایی ترکیێ دا شەر و پەڤچوون دەرکەت.

ل گۆر چاڤکانیێن خوەجهی، ئێڤارا رۆژا یەکشەمبێ، ل عه‌ین عیسایێ د ناڤبەرا هێزێن هه‌سه‌دێ و چەکدارێن گرووپێن ئۆپۆزسیۆنا سووریێ یا گرێدایی ترکیێ دا شەر و پەڤچوون دەرکەتن.

ل گۆر هەمان چاڤکانییان شەر و پەڤچوون ل سەر رێیا M4ێ یا ناڤدەولەتی ل باکورێ رۆژهلاتێ باژارۆکێ عه‌ین عیسا دەرکەتنە، كۆمێن چه‌كدارێن گرێدایی ترکیێ هنەک پێگەهێن هه‌سه‌دێ کرنە ئارمانج و هه‌سه‌دێ ژی بەرسڤ دانە و شەر و پەڤچوون د ناڤبەرا هەردو ئالییان دا دەرکەتییە.

هەتا نها د دەربارێ ئەنجامێن شەر و پەڤچوونان دا چ زانیاری نەهاتنە بەلاڤ کرن.