هەدەپه‌ مینا رێڤەبەرێن قەندیلێ، تەنێ دزانه‌ کەدا گەل ژ بۆی خوە حەساب بکه‌

peshmarga-kobane-hdp-pkk (1)

پارتییا ده‌مۆكراتیك یا گه‌لان هه‌ده‌پێ راگهاند، هێزێن كو دخوازن كۆبانێ داگیر بكن وێ تو جاری ب سه‌رنه‌كه‌ڤن، ژ به‌ر كو داعش ب سه‌ر نه‌كه‌ت لوما  تو كه‌س نكاره‌ ڤێ بكه‌، هه‌ده‌پێ ووسا داخویانی دا هه‌ر وه‌كه‌ وان كۆبانێ ژ كه‌تنێ پاراستییه‌ و تو ئاماژه‌ ب كه‌دا پێشمه‌رگه‌هان نه‌كر.

هه‌ده‌پێ ئیرۆ رۆژا دوشه‌می 1/11/2021ێ داخویانی دا و تێده‌ بانگا ته‌ڤ گه‌لێن جیهانێ كرییه‌ كو پشتگرییا خوه‌ یا ژ بۆی كۆبانێ بدۆمینن.

هه‌ده‌پێ گه‌ف ل تركیێ ژی خوارنه‌ و دبێژه‌: «داعش ب سه‌ر نه‌كه‌ت، هێزێن دخوازن كۆبانێ داگیر بكن، وێ ب سه‌رنه‌كه‌ڤن».

هه‌ده‌پێ د داخویانییا خوه‌ ده‌ تو ئاماژه‌ ب كه‌دا پێشمه‌رگه‌هێن كوردستانێ نه‌كر، پێشمه‌رگه‌هێن كو ل به‌ر چاڤێن هه‌موو گه‌لێن جیهانێ سینۆرێ سێ ده‌وله‌تێن داگیركه‌ر ده‌رباس كری ژ بۆ كو ل هاوارا برایێن خوه‌ یێن شه‌رڤان بچن.

یا راست كارێن ووسا ژ هه‌ده‌پێ تێن چاڤه‌رێ كرن، ژ به‌ر كو ئه‌و ژی مینا رێڤه‌برێن خوه‌ یێن قه‌ندیلێ ته‌نێ دزانن كه‌دا خه‌لكێ ژ بۆی خوه‌ حه‌ساب بكن.

ئه‌ڤ داخویانییا هه‌ده‌پێ ته‌نێ دو روویاتییا ڤێ پارتییا گرێدای په‌كه‌كێ ئیسبات دكه‌، ژ به‌ر كو چه‌ند رۆژان به‌رێ، د پارلەمەنتۆیا ترکیێ ده‌ تەزکەرەیا کو رێ ددە ئارتێشا ترکیێ ل ئیراقێ و سووریێ ئۆپەراسیۆنێن سەربازی ئەنجام بدەت، ھات قەبوول کرن،  تەزکەرە ل سەر داخوازییا تاییپ ئاردۆگان ھاتبوو پارلەمەنتۆیێ و ب پرانییا دەنگان ھاتە ئه‌رێ كرن.

ئاكه‌پێ، مه‌هه‌پێ، ئی پارتیێ و دەڤا ژ بۆی تەزکەرەیێ ب «بەلێ» دەنگ دا،  جەهەپه‌ و ھەدەپه‌ ژی ل دژی تەزکەرەیێ دەرکەتن، لێ ھەڤسەرۆکا ھەدەپێ پەرڤین بوولدان دەنگێ «بەلێ» دا تەزکەرەیێ، ھندەک ھەڤالێن وێ بالا وێ کشاندن لێ دەنگێ بوولدان وەک ئەرێ ھاتە قەبوول کرن.

 ئەڤەجا راستی نایێ زانین بوولدان ب خەلەتی ب »بەلێ» دەنگ دایە یان ب زانابوون ھەلوەستا خوە دیار کرییە.