پارتییا كوردكوژ 4 زارۆكێن دن ژی دان كوشتن

kurd-kurdistan-pkk-kck-hpg-gerila (2)

رێخستنا په‌كه‌كێ ئیرۆ ناسنامه‌یا 4 گه‌ریلایان ئاشكه‌را كر كو ل حه‌فته‌نینێ ژیانا خوه‌ ژ ده‌ست دانه‌، هه‌ر چار گه‌ریلا نوو ته‌مه‌نا زارۆكتییا خوه‌ ته‌مام كرنه‌.

هه‌په‌گێ باسكێ له‌شكری یێ رێخستنا په‌كه‌كێ، ئیرۆ رۆژا دوشه‌می 1/11/2021ێ ناسنامه‌یا 4 چه‌كدارێن خوه‌ ئاشكه‌ره‌ كر كو ل گۆری وێ د ئێریشا ئارتێشا تركیێ ده‌ ل ده‌ڤه‌را حه‌فته‌نینێ ژیانا خوه‌ ژ ده‌ست دانه‌.

په‌كه‌كێ وه‌كه‌ هه‌ر تم، تام ئاگاهی ل ده‌ربارا وان چه‌كداران ئیفشا كرنه‌، لێ به‌لێ تو ئاماژه‌ ب ته‌مه‌نا وان نه‌كر، ژ بۆ كو جینایه‌ت و ته‌وانا ره‌ڤاندن و ب كوشتن دانا زارۆكێن كوردان ل سه‌ر ته‌سبیت نه‌به‌.

ل ئالیێ دن، هه‌په‌گێ پڕ ب روو قایمی ل ده‌ربارا ڤان زارۆكان گۆتییه‌: ئه‌و ملیتانێن ئاپۆ بوون، وان دیرۆكا رێخستنێ ژ زارۆكتیێ ناس كرییه‌ و فه‌لسه‌فا ئاپۆ باندۆر ل وان كر له‌وما ئه‌و ته‌ڤلی په‌كه‌كێ ببن.

هێژای گۆتنێ یه‌، ته‌نێ د دو ده‌مه‌هێن رابووری ده‌، په‌كه‌كێ پێتری 100 چه‌كدارێن خوه‌ ژ ده‌ست دانه‌، ئه‌ڤ یێك ته‌نێ ئه‌ون یێن كو ئاژانسا ئانفێ ب داخویانیێن ناسنامه‌یا وان راگهاندییه‌ و هه‌ر كه‌س دكاره‌ ل به‌شا ئارشیفێ یا ڤێ ئاژانسێ ڤان ئاگاهییان ب ده‌ست بخه‌.