کلچدارئۆغلو: دێ قه‌ندیلێ كه‌مه‌ ئه‌رد

Kiliçdaroglu-Qendîl-pkk-kck (2)

سەرۆکێ جه‌هه‌پێ کەمال کلچدارئۆغلو، گەف ل رێخستنا په‌كه‌كێ كرن و گۆت: «سۆزێ دده‌م ئەگەر ئەز ڤێ هێلینا ب ناڤێ قەندیلێ نه‌كه‌مه‌ ئه‌رد، بلا ژ من را نەبێژن کلچدارئۆغلو».

سەرۆکێ گشتی یێ جه‌هه‌ێ کەمال کلچدارئۆغلو، ل یۆزگاتێ ل گەل نوونەرێن رێخستنێن دەزگەهێن سڤیل و ریهسپی یێن باژێر كۆمبوو و د هەڤدیتنا خوە دە ئاخڤتنەک کر.

کەمال کلچدارئۆغلو، د چارچووڤەیا هەڤدیتنێن خوە یێن ل یۆزگاتێ دا ئەول ل گوندێ سەکیلی یێ ناڤچەیا یەرکۆیێ د گه‌ل موختاری و جۆتکاران نانێ تێشتێ خوار.

کلچدارئۆغلو، پشترە ل ناڤەندا رۆشه‌نبیری یا شارەدارییا یۆزگاتێ د هەڤدیتنا ل گەل ریهسپیان، موختار و نوونەرێن رێخستنێن جڤاکی یێن سڤیل دا دیار کر کو ئه‌ڤه‌ جارا حه‌فتێ یه‌ ئه‌و سەره‌دانا وی باژاری دکەت، لێ جارا ئێكێ یه‌ کو گوهدارییا خەلکێ دکەت.

کلچدارئۆغلو، ئاماژه‌ كر، هەموو وەلاتێن جیهانێ پشتگریێ دده‌نه‌ چاندنێ و کەرتا چاندنێ سەکتۆرەک ستراتیژی یه‌ و گۆت: «ئەگەر ب ئیزنا خودێ هوون پشتگریێ بده‌نه‌ مه‌ و ئەم ببن دەستهلاتدار، یا ئەم بکه‌ن ئەوە کو جۆتکار دێ گه‌هیته‌ مافێ خوە یێ وەبەرهێنانێ، جۆتكاران دێ قازانجەکا ماقوول هه‌بیت».

د بەشەکە دی یێ ئاخفتنا خوه‌ دا سەرۆکێ گشتی یێ جه‌هه‌پێ گەف ل رێخستنا په‌كه‌كێ كرن و گۆت: «سۆز دده‌م ئەگەر ئەز ڤێ هێلینا ب ناڤێ قەندیلێ راستی ئه‌ردێ نەکه‌م، بلا ژ من را نەبێژن کلچدارئۆغلو، ئەز چ جاران پێلاڤێن لەشکەری یێن بیانی ل ڤێ ئاخێ ناخوازم».