ھەڤپەیمانیا ناڤنەتەوی یا دژی رێخستنا تەرۆریستی یا داعشێ، 15 رێڤەبەرێن گرتی یێن وێ رێخستنا تەرۆریست ژ رۆژئاڤایێ کوردستانێ برن دەرڤە.
ل گۆر زانیاریێن بەردەست ھێزێن ھەڤپەیمان ئەو 15 بەرپرسێن داعشێ ل گرتیگەھا حەسەکێ برنە بنکەیێ شەدادی یا خوەیا ل حەسەکێ.
ئەو بەرپرسێن داعشێ ژ ئالیێ ھێزێن سووریا دەمۆکراتیک (ھەسەد)ێ ڤە ھاتبوون گرتن و ل گرتیگەھا حەسەکێ ل گەل 3 ھەزار چەکدار و بەرپرسێن دی یێن داعشێ گرتیبوون.
ل گۆر زانیاریێن چاپەمەنیێ ڤەگوھەستنا وان بەرپرسێن داعشێ ل گرتیگەھا حەسەکێ ڤە بۆ بنکەیێ ھێزێن ھەڤپەیمان و ژ وێ دەرێ ژی ب رێیا ئەسمانی ڤە ژ ئیراقێ را ھاتنە ڤەگوھاستن.
بەری ڤەگوھاستنا وان لێکۆلینڤانێن سازیا ناڤەندی یا ئیستخباراتا ئامەریکایێ (سی ئای ئەی) ل گرتیگەھا حەسەکێ لێکۆلین و لێپرسین ل گەل بەرپرسێن داعشێ ئەنجام دایینە، کو ناڤێ وان سێ کەسێن ئاشکەرا بوونە وەھا نە:
– خالد ئەلنزی یێ ب ئەسلێ خوە سعوودی
-سەلیم عەبدولمەعاتی، ب ئەسەلێ خوە جەزاییری
-نیکۆ سابریۆ، ب ئەسلێ خوە فرانسی
