تركیێ ئه‌ندامه‌كا كۆمیته‌یا ناڤه‌ندییا په‌كه‌كێ كوشت
د هێرشه‌كا سوپایێ تركیێ دا، نازلی تاشپینار ئه‌نداما كۆمیته‌یا ناڤه‌ندییا رێخستنا په‌كه‌كێ ل چیایێ گاره یێ باشوورێ كوردستانێ هات كوشتن.
ئاژانسا ئه‌نادۆلێ یا ده‌وله‌تا تركیێ ئیرۆ رۆژا چارشه‌مبی 10/11/2021ێ به‌لاڤ كر كو د هێرشه‌كا هه‌ڤپار یا میتێ و سوپایێ تركیێ دا كو ل چیایێ گاره یێ باشوورێ كوردستانێ پێكهاتییه، نازلی تاشپنار ناسیار ب كۆدناڤێ ئه‌مینه ئه‌رجیس، ئه‌نداما كۆمیته‌یا ناڤه‌ندییا رێخستنا په‌كه‌كێ هاتییه هه‌ده‌ف كرن.
ل گۆری ئاژانسا ئه‌نادۆلێ، تاشپینار ب لیستا ره‌نگ سۆر ده‌وله‌تا تركیێ لێگه‌رین ژ بۆی وێ دهات كرن.
نازلی تاشپینار كی یه؟
نازلی تاشپینار ل سالا 1977ێ ژ داییك بوویه.
ل سالا 1994ێ ته‌ڤلی رێخستنا په‌كه‌كێ بوویه.
ل جه‌م ئۆجالان گرینگییه‌كا زێده هه‌بوو.
ل هه‌ر یێك ژ په‌ژاكێ، هه‌په‌گێ، په‌كه‌كێ و یه‌ژا – ستارێ ده ئه‌رك وه‌رگرتنه.
هه‌ر وها رۆلا وێ د دامه‌زراندنا ته‌ڤگه‌را شۆره‌شه‌گه‌ر یا یه‌كگرتی دا هه‌بوو كو ل سالا 2019ێ ل نێڤبه‌را په‌كه‌كێ و رێخستنێن چه‌پ یێن ترك دا هاتییه ئاڤاكرن.
په‌روه‌رده ژ بۆ رێخستنێن چه‌پ یێن ترك كرییه.
