رێڤەبەرییا هەوالگیرییا لەشکەری یا ئیراقێ، کوشتنا ئەمیرەکی داعشێ ل کەرکووکێ راگه‌هاند.
هەوالگیریا لەشکەری یا ئیراقێ د داخویانیەکێ دا راگه‌هاند، پشتی چاڤدێرییا سێ مەهان و کۆمکرنا زانیارییان، ئەمیرێ داعشێ یێ ب ناڤێ «یاسین سوکر محەمەد عززی» یێ ب كۆدناڤێ (ئەبو قوتادە) ل باشوورێ کەرکووکێ هات کوشتن.
دیار کر ژی، ئەبوو قوتاده کو وەک ئەمیرێ نیشانڤانێن داعشێ دهات ناسکرن، د ئۆپەراسیۆنا هەڤبەش یا هێزێن رێڤەبەرییا هەوالگیرییا لەشکەری و دەزگەها دژە تەرۆرێ دا ل گەلیێ ئەل – شای هاتە کوشتن.
رێڤەبەرییا هەوالگیرییا لەشکەری ئاشکەرە کر ژی، دو چەکدارێن دی یێن داعشێ ژی ل دەڤەرا بۆمحه‌مه‌د ل گەلیێ ئەل – شای د كه‌مینه‌كێ دا بریندار بوون.
ژ ئالییەکی دی ڤە، شانەیا راگه‌هاندنێ یا ئەولەکارییا ئیراقێ راگه‌هاند، بەرپرسێ کو پەرەیان بۆ مالباتێن داعشێ یێن ل پارێزگەها کەرکووکێ بەلاڤ دکەت ژی، هاتە دەستەسەر کرن.
