ل شنگالێ چەکدارێن پەکەکێ خوە رادەستی ھێزا پێشمەرگە دکەن

ل شنگالێ چەکدارێن پەکەکێ خوە رادەستی ھێزا پێشمەرگە دکەن

فەرماندارێ ھێزا پێشمەرگە ل شنگالێ قاسم شەشۆ راگھاند، زێدەتری 900 چەکدارێن پەکەکێ دەست ژ وان بەردانە و تەڤلی ھێزێن پێشمەرگە بوونە و ئەگەر ئەم رێ بدەینە وان دێ زێدەتر هێن و تەڤلی پێشمەرگە بن ژ بەر کو ب تەمامی ژ پەکەکێ بێھێڤی بوونە.

قاسم شەشۆ ژ بۆ مالپەرا کەدەپێ.ئینفۆ راگھاند: “ھاتنا چەکدارێن پەکەکێ بۆ ناڤا ھێزێن پێشمەرگە گەلەک زێدە بوویە. یێن کو تێن ئەم ناڤێ وان دنڤسینن و وان دشینن ھەرێما کوردستانێ، کو ھەیا نھا زێدەتری 900 کەسان ژ وان ھاتنە و مە ناڤێ ھەموویان نڤیساندیە.”

شەشۆ وەھا گۆت: “مە ژ ئالیێ خوە ڤە وەرگرتنا وان راوەستاندیە. ب گرۆپ دخوازن تەڤلی ھێزێن پێشمەرگە ببن، کو ئەو یەک ژی ژ بەر چەند فاکتەرانە.”

قاسم شەشۆ وەھا بەردەوام کر: “پەکەکە نھا ئالیکاریا مادی نادە چەکدارێن خوە و تەعدایێ ل وان دکەت. پەکەکە ب زۆرێ وان دبەت سووریێ و شەری ب وان دکەت و وان بکوشتن ددەت. بەردەوام مەترسی ل سەر چەکدارێن پەکەکێ ھەیە کو بالافر ل وان بدەن. لەوما ناخوازن ژیانا خوە بێخن بەر مەترسیێ و دزانن کو چارەنڤیسا وان لگەل پەکەکێ نەدیارە و بێھێڤی بوونە. لەوما تێن و دبن پێشمەرگە.”