بەرسڤدانا دەرەوێن مەدیا پەکەکێ ئەرکەکە ل ھمبەر جڤاتا کورد..

بەرسڤدانا دەرەوێن مەدیا پەکەکێ ئەرکەکە ل ھمبەر جڤاتا کورد..

مەدیا پەکەکێ ب کریارێن خوە و دەرەوێن کو دکەت، گەلەک ب زانابوون د چارچۆڤەیا پلانەکێ دا ھەول ددەت کو ب ھەموو ئاوایەکێ رێکێ ل یەکرێزیا کوردا ل رۆژئاڤایێ کوردستانێ بگریت. ئارمانجا پەکەکێ ئەوە کو ئەرکا خوەیا سیخووریا رەژیما سوریێ پێکبینیت و ھێزێن کو د بن باندۆرا پەکەکێ دا نە بکەتە میلیشیایێن رەژیما سوریە.

نھا ژی ئاژانسا گرێدایی پەکەکێ یا ب ناڤێ “ANHA” د دەربارێ پێشمەرگەیێن رۆژ دا دەست ب دەزەنفارماسیۆنا و دەرەوا دکەت. بێبەختیێن مەزن دکەت. ئەو ب خوە ژی دزانن کو دەرەوێن دکەن رێکێ ل ھەموو گاڤێن ئەرێنی کو پەیەدە باڤێژیت ژی دگریت. ئەو کەسێن ئیرۆ ڤان دەرەوان ژ بۆ بەرژەوەندیێن ئەرزان دکەن، ئەگەر سبەھی یان ژی رۆژەک ژ رۆژا تەنێ ب کوردبوونا خوە بحەسن چ جاران ئەو ب خوە، خوە عەفوو ناکەن. ژ بەر کو تشتا دهێتە کرن خیانەتا ل ھمبەر دەستەکفتیێن نەتەوییە و رێگرتنا دەولەتبوونا کوردایە.

مەدیا پەکەکێ ئێریشێ پێشمەرگەیێن رۆژ دکەت و وان ب تشتێن خراب تاوانبار دکەت. چەکدارێن پەکەکێ د بن تەعداییێ دا مالباتێن پێشمەرگەیێن رۆژ ددەنە ئاخاڤتن و دا کو ئەو بانگی زارۆکێن خوە بکەن دەست ژ پێشمەرگاتیێ بەردەن.

ھەروەھا مەدیا پەکەکێ بێبەختیا ل پێشمەرگەیێن رۆژ دکەت و دبێژیتە وان “مل دایە ملێ داعشێ شەری دکەن” ئەو کەسێن ڤان دەرەوان دکەن ب خوە ژی دزانن چ خوەلیسەریێ ل خوە دکەن و چ بێبەختیا دکەن. لێ ئەڤە ژ بەری هەر تشتەکی تەکتیکەکا مەزن یا پەکەکێ و وان ئالیێن تارییە کو پشتەڤانیا وان دکەن.

ھەرکەس دزانیت کو پێشمەرگەیێن رۆژ د شەرێ داعشێ دا قەھرەمانیێن مەزن تۆمار کرنە و د ڤی شەری دا دەھان شەھید دانە. ھەروەھا دەما ئارتێشا ئیراقێ، میلیشیایێن ئیرانی، حەشدا شەعبی و چەتەیێن گرێدایی پەکەکێ ھەولا داگیرکرنا باشوورێ کوردستانێ کرین، ل دەڤەرێن وەک پردێ و سحێلا پێشمەرگەیێن رۆژ ژ بۆ خاکا کوردستانا ئازاد و کەرامەتا نەتەوییا کوردا بپارێزن بەرخوەدانێن ناڤ و دەنگ کرن و بوونە کەلەمێ چاڤێ دژمنی.

مەدیا پەکەکێ دەرەوا دکەت. ژ بەر کو ئەگەر رۆژەک ژ رۆژا ب ئاوایەکێ پێشمەرگەیێن رۆژ بکەڤنە خاکا رۆژئاڤایێ کوردستانێ دا، دێ چەتەیێن پەکەکێ بەلاڤ بن و گەلێ کورد دێ پێشمەرگەیێن رۆژ ب گەرمی ھەمبێز کەت.

دهێتە زانن کو، ھەتا وەک ڤێ گاڤێ پێشمەرگەیێن رۆژ دخوازن ب چارچۆڤا یەکرێزیا کوردان ل رۆژئاڤایێ کوردستانێ دا بچن رۆژئاڤا و ئەرکێن خوە ب جھ بینن. سەدەمێ ڤێ یەکێ یێ سەرەکی ئەوە کو، پێشمەرگەیێن رۆژ ناخوازن شەرەک د ناڤ وان و چەتەیێن پەکەکێ دا ل رۆژئاڤایێ کوردستانێ دا چێببیت و کورد زەرەرێ ژ ڤێ یەکێ نەبینن. لێ ئەگەر ھێڤیا یەکرێزیێ ب تەمامی تێک بچیت و پەکەکە جاردەکا دی رۆژئاڤایێ کوردستانێ رادەستی رەژیما داگیرکەر بکەت، دێ ھنگی پێشمەرگەیێن رۆژ ژی بەرنامەیێن نووژەن ل گۆرا پێڤاژۆیا رووددەت ئامادە بکەن.

ژ ئالیەک دن ڤە ئانھا گەلەک گۆتنێن خراب و نە راست د دەربارێ پێشمەرگەیێن رۆژ، ئەنەکەسێ و پەدەکێ دا دبێژیت. ھەر چەند دهێتە زانن کو “ئانھا” وەک ھەموو مەدیایا پەکەکێ دەرەوا دکەت ژی، پێوستە ئەڤ ئالیێن کو مەدیا پەکەکێ دەرەوا ل وان دکەت ب ئاوایەکێ بەرسڤەک پێویست بدەن . ئەڤ بەرسڤ نە ژ بۆ پەکەکێ یە کو ب ئاوایەکێ قانع ببیت. ژ بۆ یاریا مەدیا پەکەکێ ل سەر جڤاکا کورد دلەیزیت نەگەھیتە ئارمانجا خوەیە.

مخابن ئەڤە 40 سالە پەکەکە ب دەرەوا جڤاکا کورد تێکبریە و تەخریباتێن مەزن د ناڤا کوردان دا پەیدا کرینە. ئەڤجا پێوستە ئالیێن کو پەکەکە دەرەوا ل وان دکەت، بەرسڤەکێ بدەن و دەرەوێن وان ئاشکەرا بکەن. ئەڤ یەک ئەرکەکە ل ھمبەر جڤاکا کوردی.

رۆژەڤا کورد

پوستێن ھەمان بەش