ترکیێ ئۆپەراسیۆنەکە نوو ل باكورێ كوردستانێ دەستپێکر

eren-bedlis

ئارتێشا تركیێ ل سینۆرێ پارێزگەها بەدلیسێ یا باكورێ كوردستانێ ئۆپەراسیۆنا «ئەرەن زڤستان-7» ل دژی رێخستنا په‌كه‌كێ دەستپێکر، ئەڤ د دەمەکێ دەیە کو وەزیرێ ناڤخوەیێ ترکیێ دبێژە، هەژمارا گەریلایان داکەتیە ژێر 180ێ کەسان.

ل گۆر داخویانیەکێ کو ئیرۆ دوشەمێ 22ێ مژدارا 2021ێ ژ ئالیێ وەزارەتا ناڤخوە یا ترکیێ ڤە هاتییە بەلاڤکرن، ئۆپەراسیۆنا ب ناڤێ «ئەرەن زڤستان-7» ڤێ سبێ ب بەشداربوونا 680 چەکدارێن هێزێن سەر ب فەرماندارییا جەندرمە، پۆلیسێن تایبەت، کۆماندۆ و گوندپارێزان دەستپێ کرییە کو ژ 38 تیمێن جودا پێک هاتنە.

ئۆپەراسیۆنێن ترکیێ ل باكورێ كوردستانێ، چار مەهە ب ناڤێ ئۆپەراسیۆنێن «ئەرەن» ل 15 ناڤچەیێن جودایێن سینۆرێ پارێزگەهێن ئامەد، مێردین، دێرسم، شرنەخ، جۆلەمێرگ، ئاگری، بەدلیس، ئیدر، قەرس، ئەردەخان و چەند ناڤچەیێن دنێن باکورێ کوردستانێ دەستپێکرنە.

هێژای گۆتنێ یه، زێده‌ی رێژه‌یا 80% ژ چالاكیێن په‌كه‌كێ ل باشوورێ كوردستانێ تێن ئه‌نجام دایین و ئه‌ڤ یێك ته‌نێ ب زرارا شێنیێن باشوور هاتییه‌، ل باكورێ كوردستانێ ژی هنه‌ك چالاكیێن كێم تێن ئه‌نجام دایین.