ئارتێشا ترکیێ دەردۆرا گوندێ ھرۆرێ بۆمبەباران کر

ئارتێشا ترکیێ دەردۆرا گوندێ ھرۆرێ بۆمبەباران کر

تۆپخانەیێن ترکیێ بارەگەھێن پەکەکێ یێن ل دەردۆرا گوندێ ھرۆرێ یێ سەر ب ناحیا کانی ماسێ یا ل ناڤچەیا ئامێدیێ بۆمبەباران کر.

چاڤکانیێن پیگەها دارکا مازی ل باشوورێ کوردستانێ راگھاند؛ ئیرۆ رۆژا یەکشەمی 28ی مژدارا 2021ێ تۆپخانەیێن ترکیێ دەست ب بۆمبەبارانکرنا بارەگەھێن پەکەکێ یێن ل دەردۆرا گوندێ ھرۆرێ یێ سەر ب ناحیا کانی ماسێ یا ل ناڤچەیا ئامێدیێ کریە.

چاڤکانیێن پێگەها دارکا مازی دەستنیشان کر کو ل گوندێ ھرۆرێ نھا زێدەتری 70 مال ھەنە و دەردۆرا وێ ھەموو دارستانن، جار جاران شەر و پەڤچوون د ناڤبەرا ئارتێشا ترکیێ و پەکەکێ دا ل وێ دەڤەرێ روو ددەن.

چاڤکانیێن پێگەها مە ھەروھا ئەشکەرە کر؛ ژ بەر بۆمبەبارانێن ترکیێ زرار و زیان دگھیژە خەلکێ گوند، لێ بەلێ د بۆمبەبارانا ئیرۆ دە ھەتا نھا زرار نەگھیشتیە جان و مالێ کەسەکی.

ژ بەر بۆمبەبارانا ئیرۆ یا ترکیێ ل دەردۆرا گوندێ هرۆرێ، قۆتابیێن دەبستانێ ناچار بوون ژ ترسان دا بەری کو وانەیێن وان ب داوی بهێن دەبستانێ ب جیهـبهێلن و ڤەگەرن مالێن خوە.