باله‌فرێن جه‌نگێ یێ ده‌وله‌تا تركیێ، ئیشه‌ڤ باره‌گه‌ها ئاساییشا یه‌به‌شێ یا گرێدای په‌كه‌كێ، ل كۆمه‌لگه‌ها خانه‌سوورێ ل شه‌نگالێ بۆمبه‌باران كر.
چاڤكانیێن پێگه‌ها «داركا مازی» ل باشوورێ كوردستانێ ئه‌شكه‌ره كرن، ئیرۆ ل ده‌مژمێر 8:30 شه‌ڤ باله‌فرێن ده‌وله‌تا تركیێ، باره‌گه‌ها ئاساییشا یه‌كینه‌یێن به‌رخوه‌دانا شه‌نگالێ، یا ب ناڤێ یه‌به‌شه یا گرێدای رێخستنا په‌كه‌كێ، ل كۆمه‌لگه‌ها خانه‌سوورێ یا گرێدای شه‌نگالێ بۆمبه‌باران كر، زیان هێژان نه‌هاتینه زانین.
ل گۆری دیمه‌نێن باره‌گه‌ها كو كه‌تییه به‌ر ئێریشا باله‌فران، زراره‌كا مه‌زن چێبوویه، لێ به‌لێ نه‌هاتییه زانین كانێ چ زراره‌كا گیانی هه‌یه.
ئه‌ڤ ئێریش، هه‌موه‌ختا ئێریشا به‌رییا دو رۆژان تێ یا كو باله‌فره‌كا بێ مرۆڤ یا تركیێ ل شه‌نگالێ ئه‌نجامدای و تێدا به‌رپرسه‌كێ یه‌به‌شێ ب ناڤێ مه‌روان به‌ده‌ل، تێدا ژیانا خوه ژ ده‌ست دای.
