لیره‌یێ تركیێ داكه‌تنه‌كا دیرۆكی تۆمار كر

پشتی کو بانکا ناڤەندی یا ترکیێ ب 100 پۆینتان رێژەیا فائیزێ داخستی، ئیرۆ پێنجشەمبێ لیرەیێ ترکیێ داکەتنه‌كا دیرۆکی تۆمار كر.

مالپەرا “بلۆمبێرگ” دیار کر کو دراڤێ ترکی ئیرۆ د ئاستا 15.4668 لیرەیان دا ل هەمبەری دۆلاری بازرگانی پێ هاتییه‌ کرن و ب ڤی ئاوایی لیرێ تركی داکەت ئاستا خوه‌ یا هەری نزم هەتا نها.

ئه‌ڤ داكه‌تنا لیرەی پشتی وێ یەکێ هات کو بانکا ناڤەندی یا ترکیێ بریار دا کو رێژەیا فائیزێ یا ژ بۆ هەفتەیەکێ ب 100 پۆینتان کێم بکەت و بکەته‌ 14%ێ.