پەکەکێ ل گوندێ گوهەرزێ 40 کیلۆ TNT ل بەر خەلکی ڤەدایە

پەکەکێ ل گوندێ گوهەرزێ 40 کیلۆ TNT ل بەر خەلکێ ڤەدایە

هات هین بوون چەکدارێن رێخستنا پەکەکێ ل گوندێ گوهەرزێ یێ سینۆرێ ئامێدیێ ب قاسی 40 کیلۆ TNT د رێیا خەلکێ ڤی گوندی دا ڤەدایە.

چاڤکانیێن پێگەها دارکا مازی ل باشوورێ کوردستانێ، ئیرۆ رۆژا یەکشەمبی راگهاند، ل گوندێ گوهەرزێ یێ سەر ب دەڤەرا “نهێلێ” کو دکەڤە سینۆرێ ئامێدیێ، خەلکێ گوندی TNTیەک دیتیە کو زیدەتری 40 کیلۆ بوویە.

هەر وەها راگهاند، ئیرۆ ل دەما کو هن جوانێن ڤی گوندی ژ بۆی کارێن خوە یێن رۆژانە سەرەدانا گوندێ کەڤن یێ گوهەرزێ کو دکەڤە چیایێ مەتینا دکن، د رێ دا ڤێ بۆمبەیێ دبینن و دەم ل دەست ئالیێن پەیوەندیدار هایدار دکن.

جوانێن ئەڤ بۆمبەیا کو پەکەکێ ل سەر رێیا خەلکێ گوندی دا چاندی ژ گوندیان خوەست ئێدی هایا وان ژ خوە هەبە و سەرەدانا جیهێ کو بۆمبە لێ هاتیە دانین نەکن، داکو جانێ وان پاراستی بە.

گوندێ کەڤن یێن گوهەرزێ دکەڤە چیایێ مەتیا و ل سالا 1988ێ ل دەما ئێریشا رەژیما سەدام حسێن هاتبوو ڤالاکرن، پشتی سەرهلدانا باشوور ل سالا 1991ێ دەما خەلکێ گوند ژ ئیران و ترکیێ زڤری، حکوومەتا هەرێما کوردستانێ ل قونتارا چیایێ مەتینا گوندەک نوو ژ وان رە ئاڤا کر.