یەک ژ مەترسیدارترین ئەمیرێن داعشێ ل رۆژئاڤا ھات گرتن

ناڤەندا راگھاندنا ھەسەدێ ئاشکەرا کر کو ھێزێن ھەسەدێ یەک ژ مەترسیدارترین ئەمیرێن داعشێ دەستگیر کرنە.

رێڤەبەرێ ناڤەندا راگھاندنا ھێزێن سووریا دەمۆکراتیک (ھەسەدێ) فەرھاد شامی ل سەر حەسابا خوە یا تویتەرێ راگھاند، ئەمیرێ کو ھاتیە گرتن ئێریشا بۆ سەر کۆبانیێ یا سالا 2014ێ ژی د ناڤ دا بەشداری گەلەک ئێریشان بووبوو.

فەرھاد شامی، رێڤەبەرێ ناڤەندا راگھاندنا ھەسەدێ گۆت ژی، میرێ کو ھاتیە گرتن دەستێ وی د گەلەک کۆمکوژیان دا ل دژی ھەموو پێکھاتەیێن باکور و رۆژھلاتێ سووریێ ھەبوویە.

فەرھاد شامی د تویتا خوە دا وەھا دبێژیت “د ڤێ رۆژا پیرۆز دا ھێزێن مە گرتنا یەک ژ ئەمیرێن ھەری مەترسیدارێن داعشێ کو د سالا 2014ێ دا بەشداری ئێریشا ل دژی کۆبانێ بوو و گەلەک کۆمکوژی ل دژی گەلێ مەیێ ل باکور و رۆژھلاتێ سووریێ پێک ئانینە، ھاتە گرتن. ئیتیرافێن وی دێ د دەمەک نێزیک دا بێنە وەشاندن.”