پەکەکە ب پرتووکخانەیا گەڕۆک بیر و ھزرێن خوەیێن خراب ل شنگالێ بەلاڤ دکەت

چەکدارێن پەکەکێ ب پرتووکخانەیا گەڕۆک بیر و ھزرێن خوەیێن خراب ل شنگالێ بەلاڤ دکەن

 چەکدارێن پەکەکێ ب پرتووکخانەیێن گەڕۆک، بیر و ھزرێن خوەیێن خراب ل ناڤ خەلکێ شنگالێ دا بەلاڤ دکەن.

بەرپرسێ پشکا جڤاکی ل لقا 17 یا پەدەکێ ل شنگالێ، ھادی سفۆکا ئاشکەرا کر، چەکدارێن پەکەکێ ب دەستێ خۆرتێن ئێزیدی یێن کو ھاتنە خاپاندن، پرتووک و بەلاڤۆکێن خوە ل ناڤ خەلکێ شنگالێ دا بەلاڤ دکەن.

ھادی سفۆکا ھەر وەھا گۆت، کۆمەک خۆرتێن ئێزیدی ژ بەر بەلاڤکرنا پرتووک و ھزرا رێبەرێ گرتی یێ پەکەکێ عەبدوللا ئۆجالان ژ ئالیێ ھێزێن ئیراقی ڤە ھاتنە گرتن. ئارمانجا پەکەکێ ژ ڤان کاران، زێدەتر ئالۆزکرنا رەوشا شنگالێ یە.

وی بەرپرسێ پەدەکێ دا زانین ژی، چەکدارێن پەکەکێ ل ھندەک دەڤەرێن شنگالێ ب پرتووکخانەیێن گەڕۆک، بیر و ھزرێن خوەیێن خراب ب سەر خەلکێ دا دسەپینن و بەلاڤ دکەن.

ھادی سفۆکا ئانی زمان، پەکەکە باش دزانیت رەوشا شنگالێ دێ هێتە گوھارتن و ئەو ئێدی نکارن ل ور بمینن و گۆت، ژ بەر وێ ژی دخوازن ب رێیا پرتووکخانەیێن گەڕۆک و بەلاڤکرنا پرتووک و بەلاڤۆکێن خراب یێن خوە رەوشا شنگالێ ئالۆزتر بکەن.