ل گوندێن مووشێ به‌فر ب سەر خانییان كه‌تییه‌

gundên Mûşê

ل گوندێن دەڤەرێن بلند یێن ل پارێزگه‌ها مووشێ یا باكورێ كوردستانێ، ژ بەر به‌فرا کو زێدە باری یه‌، خانی د ناڤ به‌فرێ دا به‌رزه‌ بوونه‌.

ل ناڤه‌ندا باژێر ب قاسی 5 رۆژان به‌فرێ جار جاران لێکر و جاران ڤەکر و ل گوندێن بلند به‌فر زێدە باری.

گوندێ  چه‌گیلی ب قاسی 60 کیلۆمەترە ژ ناڤەندا باژێر دوورە هندەک خانی، گۆم  و دار و د ناڤ به‌فرێ دا مان و به‌فر ب سەر خانییان دا كه‌تییه‌.

حه‌سان ئۆزچەله‌یک دیار کر کو به‌فر بەرەکەتە و ئیسال وه‌سا خویا دکەت دێ زڤستان ب زەحمەت دەرباس ببیت و وه‌ها به‌رده‌وام كر: «ژ بەر کو ماکینەیێن کاری نه‌شێن بهێنه‌ د ناڤا گوندی دا، مه‌ د بن به‌فرێ دا سەرداب چێکرنه‌».

مسته‌فا یۆندەم ژی گۆت کو به‌فرێ هه‌تا هەتا سه‌رێ مالا وی هاتییه‌ گۆت: «ئەم سەرێ سپێدێ به‌فرا ل بەر دەریێ خوە پاقژ دکه‌ین لێ ئێڤارێ دیسا دباریت و وه‌ك به‌رێ لێ دهێت».

پوستێن ھەمان بەش