شێورمەندێ پۆلیتبورۆیا پارتیا دەمۆکراتا کوردستانێ (پەدەکێ) عارف روشدی راگھاند، وان ب فەرمی داخواز کریە ھلبژارتنێن پارلەمەنتۆیا کوردستانێ د دەما خوە دا بێنە کرن.
شێورمەندێ پۆلیتبورۆیا پەدەکێ عارف روشدی دا خویاکرن، پشتی کو ئەنجام و گلیێن ل سەر ھلبژارتنێن ئراقێ ژ ئالیێ دادگەھا فەدەرالیا ئیراقێ ڤە ھاتن پەسەندکرن و چارەسەرکرن، ھەڤدیتنێن پێکانینا حکوومەتا نوویا ئیراقێ دێ گەرمتر بن و شاندێن دی دێ سەردانا سەرۆک بارزانی و پەدەکێ کەن.
عارف روشدی گۆت، “پەدەکێ ب فەرمی داخواز کریە ھلبژارتنێن پارلەمەنتۆیا کوردستانێ د دەما خوە دا بێ کرن. ئەم ھێڤیدارین ووسا چێببیت و ھلبژارتن نەیێن پاشخستن.”
شێورمەندێ پۆلیتبورۆیا پەدەکێ دا زانین، ئەو حەز دکن ئالیێن کوردستانی ل سەر ئاکتیفکرنا کۆمیسیۆنا ھلبژارتنان یا کوردستانێ ل ھەڤ بکەن و گۆت، ئەم وەک پەدەکە ژ ھلبژارتنان ناترسین و ئامادەینە.