پەدەکێ ل سەر بریارا دادگەھا فەدەرال ھەلوەستا خوە راگھاند

پۆلیتبورۆیا پارتیا دەمۆکراتا کوردستانێ (پەدەکێ) داخویانیەک بەلاڤ کر و ھەلوەستا خوە ل سەر بریارا دادگەھا بلندا فەدەرال و پەسەندکرنا ئەنجامێن ھلبژارتنێن گشتی یێن ئیراقێ نیشان دا.

پارتیا دەمۆکراتا کوردستانێ (پەدەکێ) ب داخویانیەکێ راگھاند: “پەدەکە پێشوازیێ ل بریارا دادگەھا بلندا فەدەرال دکەت ل سەر پەسەنکرنا ئەنجامێن داوی یێن ھلبژارتنێن پێشوەختێن پارلامەنتۆیا ئیراقێ، کو رۆژا 10ێ جۆتمەھا 2021ێ دا ھاتن ئەنجامدان.”

د داخویانیێ دا ھات ئاشکەراکرن: “ئەڤ بریار دێ پێنگاڤێن دەستووری ل پەی خوە ئینیت ژ بۆ پێکانینا کابینەیا داهاتی یا حکوومەتا فەدەرال.”

ھەروھا ھات دەستنیشانکرن: “ئەم د ھەمان دەمێ دا تەکەزیێ ل سەر لپەیچوونا وان ستەمان دکەین کو ل پارتیا مە ھاتن کرن کو ب نەھەقی ژ کورسیێن مە دو کورسی ھاتن برن.”

ئیرۆ دادگەھا بلندا فەدەرالی یا ئیراقێ، ئەنجامێن ھلبژارتنانا پارلامەنتۆیا ئیراقێ کو د 10 جۆتمەھێ دا ھاتبوون ئەنجامدان، پەسەند کر.