ل عه‌فرینێ 5 زارۆک د تەقینا بۆمبەیەکێ دا بریندار بوون

معبطلي-عفرين-mabata-efrin-zarok

د ئەنجاما تەقینا بۆمبەیەکێ دا ل ناڤچەیا مابەتا یا عه‌فرینێ، 5 زارۆک بریندار بوون.

ل گۆری نه‌رینگه‌ها سووری یا مافێن مرۆڤان،  دوهی پشتی نیڤرۆ 27/12/2021ێ بۆمبەیەک ژ پاشمایێن شەر ل ناڤچەیا مابەتا تەقیا و د ئەنجامێ دا 5 زارۆکێن کۆچبەرێن ژ ئدلبێ بریندار بوون.

دەستنیشان کر، ئەو 5 زارۆک ژ بۆ وەرگرتنا چارەسەریێن پزیشکی، ژ بۆ نەخوەشخانەیان هاتن ڤەگوهاستن و برینێن هن زارۆکان گرانە. 

پشتی ئێریشا ئارتێشا ترکیێ و گرووپێن چەکدار د 20ێ چلەیا 2018ێ دا ل سەر هەرێما عه‌فرینێ و داگیرکرنا وێ، گەلەک بۆمبە ژ پاشمایێن شەر ل سەر رێ و ل ناڤا زەڤیان تەقیان و هەژمارەک ژ سڤیلان بوون قوربانی.

د وێ دەربارێ دا چالاکڤانێن عه‌فرینێ ژی بانگ ل رێخستنێن ناڤدەولەتی یێن په‌یوەندیدار دکن کو کار ژ بۆ راکرنا وان پاشماییان ژ هەرێمێ بکن، ژ بەر کو رۆژانە مەترسیێ ل سەر ژیانا خەلکێ چێدکن.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری