ل گۆر بودجەیا وەزارەتا بەرەڤانیێ یا ئه‌مه‌ریكا یا سالا 2022ێ، ئه‌مه‌ریكا دێ 5 درۆنێن ژ جورێ «RQ-20 Puma» ده‌ته هێزێن پێشەمەرگەیێن کوردستانێ و پێشمەرگەیان ل سەر بکارئینانا وان مه‌شق ده‌ت.
درۆنا «RQ-20 Puma»، ژ درۆنێن مامناڤەندە، ب دەستان تێ فراندن و ژ ئالیێ کۆمپانیایا AeroVironment ڤە هاتییە دروست کرن.
ئەرکێ سەرەکی یێ ڤان درۆنان، چاڤدێریکرن و کۆمکرنا زانیاریێن هەوالگیریێ یە کو ب رێیا كامیرایه‌كا ئه‌لیکترۆنی- ئۆپتیکی و ژێرسۆر (Infrared) کۆم دکەت.
ئەڤ درۆنە ژ دووریا 15 كیلۆمه‌تران ڤە تێ کۆنترۆل کرن و لەزا وێ ژی دگه‌هیته 83 كیلۆمه‌تران د دەمژمێرەکێ دا.
سالا 2007ێ ئەڤ درۆنە ژ بۆ جارا یەکەم هات تێست کرن و هەتا نها زێدەتر ژ هەزار دانەیان ژێ هاتتە دروست کرنـ هێزێن ئه‌مه‌ریكی ڤی جورێ درۆنان ب کار دئینیت و باوەرییا وێ پێ هەیە.
ل گۆر زانیاریێن کو کامپانیایێ دەربارێ وێ درۆنێ دا بەلاڤ کرنە، ئەڤ جورە درۆنە تەنێ ژ بۆ 10 وەلاتان هاتییە دایین و هەموو ژی هەڤپەیمانێن ئه‌مه‌ریكانە، كوردستان ژی دێ بیته وه‌لاتێ 11 ێ كو ئه‌ڤ درۆنه دێ كه‌ڤنه ده‌ست هێزا وێ یا پێشمه‌رگه‌هان دا.
