هاک-پارێ ل دژی دەولەتا ترک داخویانیەک توند بەلاڤ کر

هاک-پارێ ل دژی دەولەتا ترک داخویانیەک توند بەلاڤ کر

نڤیسینگەھا راگەیاندن و چاپەمەنییێ یا پارتیا ماف و ئازادییان (ھاک-پار) ب بۆنەیا 10ەمین سالڤەگەرا کۆمکوژیا رۆبۆسکی داخویانیەک بەلاڤ کر و تێ دا راگھاند، “دەولەت ھەتا کو ڤێ بوویەرێ ب تەڤاھی زەلال نەکە و بکەرێن رۆبۆسکییێ دادگەهـ نەکە، تاوانبار، قسووردار و روورەشە.”

داخویانیا – نڤیسینگەھا راگەیاندن و چاپەمەنییێ یا ھاک-پارێ:

ژ ڤر بەری دەھ سالا، ھێزێن ھەوایی یێن دەولەتێ ب فەرمانا فەرماندارێن فەرمی یێن دەولەتێ 34 نشتەجییێن کورد بۆمبەباران کرن و کوشتن. وان گۆت کو مە ئەڤ کەسە پەکەکەیی هەژمارتنە، ژبەرکو ئەو د وێ رێیا کو پەکەکە تێدا ھاتووچوویێ دکە دا دەرباس دبوون. دەولەتێ تەنێ ب ڤێ سەدەمێ 34 گوندییێن بێگونەھ کوشتن. ئەڤە دەھ سالن کو بویەرا رۆبۆسکێ ھێ ژی زەلال نەبوویە، نەھاتییە رۆنی کرن.

رۆبۆسکێ روویێ رەشێ دەولەتێ یە. رۆبۆسکێ روورەشییا سەردەمە. بەرپرسێ رۆبۆسکێ دەولەتا تورکا رەش و تارییە. دەولەت ھەتا کو ڤێ بوویەرێ ب تەڤاھی زەلال نەکە و ئەنجامدەرێن رۆبۆسکییێ دادگەهـ نەکە، فشصشىلاشق، قسووردار و روورەشە. ئەگەر دەولەتا تورک دخوازیت کو خوە ژ بن ڤێ روورەشییێ خلاس بکە، دڤێت رۆژەک زووتر ژ مالباتێن کوشتییا لێبۆرینێ بخوازە و خوە ژ ڤێ خەندەقێ رزگار بکە. پێدڤییە دەولەت گرنتیێ بدەتە بنەمالێن مەخدوورێن رۆبۆسکییێ. ب گەف و گۆلان، ب شرۆڤە و دەرەوان دەولەت ژ بەرپرسییارییا خوە خلاس نابیت.

لەورا رۆبۆسکی شەرمەزارییا سەردەمە.

رۆبۆسکی، بەردەوامیا فەراسەتا دێرسم، و بویەرا موگلالا ئۆزالپێ یە.

ھەتا نھا گەلەک بوویەر و روودان و قەومین و سەرھلدان د کوردستانێ دا چێبونە. لێ گەلێ کورد ھێ ژی ل بەندا چارەکرنا ماف و بەرژەوەندییێن خوەیێن نەتەوی یە. گەلێ کورد ئیرۆ ژی چاڤەرێیێ ئازادی و دەمۆکراسیێ یە. ژ بۆ چارەسەرکرنا پرسگرەکا کورد، کریار و ئۆپەراسیۆنێن لەشکەری نە پێدڤینە. پێدڤییە دەڤلەت دەست ژ ڤێ سییاسەتا کەڤنار بەردە، خوە ژ فێم و فەرەسەتا کۆر رزگار بکەت.

ئەگەر دەولەت دخوازیت کو ژ بۆ خێرا کوردان تشتەکێ بکەت، یا بخێر ئەوە کو رۆژەکێ زووتر ڤێ سیاسەتا خوە یا کو دیلگرتییێ فەراسەتا خوە یا کەڤنارە، بەردە. رێیا چارەسەرکرنێ گۆتووبێژە، دیالۆگ و ھەڤدیتنە. پێدڤییە کو دەولەت، لگەل ھەمو نوونەر و ھێزێن کوردستانی یێن ئاشتخواز و دەمۆکرات دا، روونیت و ب شێوازەک ئاشتییانە ل سەر چارەلێکرینەک مەعقوول ھەڤدەنگییەکێ پێک بینیت. ھەڤدیتن و گەنگەشەیێن ئاشتییانە دەرخینیت رۆژەڤێ. پێدڤییە دەولەت ب شێوازەکە نوو، د وارێ چارەسەرییێ دا، رێیا شەر و پەڤچوونان ب یەکجاری بگریت.

پارتییا ماف و ئازادییان / ھاکپار، د دەھسالیا خوەدا، بویەرا رۆبۆسکییێ ب توندی رسوا و شەرمەزار دکە.

ھاک-پار، کوشتییێن بویەرا رۆبۆسکییێ ب رێز و حورمەت یاد دکە.