پارێزگارێ جۆلەمێرگێ ل 11 دەڤەران هەتا 14ێ ڤێ مه‌هێ، وەک هەرێمێن ئەولەهییا تایبەت راگه‌هاندن.
ل گۆری داخویانیێ پارێزگارێ جۆلەمێرگێ، 11 دەڤەرێن ناڤچەیێن چەلێ، رووبارۆک، شەمزینان و گەڤەرێ، وەک هەرێمێن ئەولەهییا تایبەت هاتنە راگه‌هاندن.
د داخویانیێ دا هات دیار کرن، قەدەغە ژ دەمژمێر 12ێ شەڤا بووری ڤە دەست پێ کرییە و دێ هەتا 14ێ ڤێ مه‌هێ دەمژمێر 12ێ شەڤێ بەردەوام بیت.
ل گۆر داخویانییا پارێزگارییا جۆلەمێرگێ، ل جهێن قەدەغە هاتییە راگه‌هاندن، هاتنوچوونا سڤیلان هاتییە قەدەغەکرن.
پارێزگارییا جۆلەمێرگێ د داخویانیا خوە دا دیار دکەت، بریارا قەدەخه‌یێ ژ بۆ پاراستنا گیان و مالێن وەلاتیانە.
