د دو رۆژێن سالا نوو 2022ێ دا، ئارتێشا تركیێ ئێریشێن خوه یێن ل دژی رێخستنا په‌كه‌كێ ده‌وام كرنه، 10 چه‌كدارێن رێخستنێ ل قه‌ندیلێ و رۆژئاڤا كوردستانێ كرنه ئارمانج.
ل گۆری ئاگاهیێن كو وه‌زاره‌تا پاراستنا نه‌ته‌وی یا تركیێ به‌لاڤ كرنه، د رۆژێن 1 و 2/1/2022ێ ده، ئێریش ل باشوور و رۆژئاڤا كوردستانێ ل دژی رێخستنا په‌كه‌كێ هاتنه ئه‌نجام داییه و ب ڤی ره‌نگی:
ل رۆژا 1/1/2022ێ ئێریش ل ناڤچه‌یێن چقلێ زه‌یتوونێ و كانییا ئاشتیێ هاتنه كرن، 6 چه‌كدارێن یه‌په‌گێ هاتنه ئارمانج گرتن و ژیانا خوه ژ ده‌ست دانه.
ل 2/1/2022ێ ئێریشا ئاسیمانی ل قه‌ندیلێ هاتییه ئه‌نجام دایین و 4 چه‌كدارێن په‌كه‌كێ هاتنه ئارمانج گرتن.
ل ده‌ربارا ڤان ئێریشا رێخستنا په‌كه‌كێ چ ئاگاهی نه‌دانه، هه‌موه‌خت مه‌دیایا یه‌كینه‌یێن پاراستنا گه‌ل یه‌په‌گێ ژی ل ده‌ربارا ژده‌ست دایینا شه‌رڤانێن خوه بێده‌نگ ماییه.
