گرووپەکێ چەکدار یێ سەر ب پەیەدێ ڤە ئێریشی نڤیسینگەھا پەدەکە-سێ ل دربێسیێ کر

گرووپەکێ چەکدار یێ سەر ب پەیەدێ ڤە ئێریشی نڤیسینگەھا پەدەکە-سێ ل دربێسیێ کر

ئەنجوومەنا نشتمانی یا کورد ل سووریێ (ئەنەکەسێ) راگهاند “گرووپەکێ چەکدارا یێ سەر ب پەیەدێ ئێریشی سەر نڤیسگەھەکا پارتیا دەمۆکراتا کوردستانێ (پەدەکە-س) ل باژارۆکێ دربێسیێ کر.

سکێرتەریا گشتی یا ئەنەکەسێ د داخویانیەکێ دا راگھاند، “د بەردەوامیا بنپێکرنێن گرووپێن چەکدارێن سەر ب پەیەدێ ڤە ل دژی ئەنەکەسێ، کادرۆ و ئەندامێن وێ دا، گرووپەکێ چەکدارا یێ سەر ب پەیەدێ ڤە شەڤا 31/12/2021 ئێریشی سەر نڤیسینگەھا پارتیا دەمۆکراتا کوردستانێ ل باژارۆکێ دربێسیێ کر.”

سکێرتەریا گشتی یا ئەنەکەسێ دیار کر ژی، وێ گرووپێ ب گولـلەیان ئێریشی سەر نڤیسینگەھا پەدەکە-سێ کر و دەرگەهـ و پەنجەرەیێن وێ شکاندن.

ئەنەکەسێ د داخویانیا خوە دا گۆت: “ئەندام و ئالیگرێن ئەنەکەسێ و مالباتێن پێشمەرگەیێن رۆژ ب بەردەوامی راستی کریارێن رەڤاندن، لێپرسین و گەفان ژ ئالیێ ڤان گرووپان ڤە تێن.”

ئەنەکەسێ ئاماژە ب کریارێن تەڤگەرا جوانێن شۆرەشگەر ژی کر و گۆت: “رێخستنا جوانێن شۆرەشگەر یا سەر ب پەکەکێ ڤە بەردەوامە ب کریارێن ترساندن، رەڤاندن و لەشکەرکرنا زارۆکان. ھەروھا ئەو گرووپ ژی بوو سەدەما گرتنا دەریێ سێمالکا ل پێش پرسێن مرۆڤی و ئابۆری یێن وەلاتیان.”

ئەنەکەسە ڤان کریاران ب توندی شەرمەزار دکەت و دبێژیت کو ئەو کریار تەنێ دکەڤنە د خزمەتا دژمنێن گەلێ کورد و زیانێ دگھیننە دۆزا کوردی.

ئەنەکەسێ دەستنیشان ژی کر: فەرمانداریا ھێزێن سووریەیا دەمۆکراتیک (ھەسەدە) د بەر ڤان کریاران دا بەرپرسە، ژ بەر کو ئەو رێگریێ ل ڤان کریاران ناکەت.

ھەروھا ئەنەکەسێ بانگ ل ئالیێ ئامەریکی و رێخستنێن مرۆڤی و یاسایی دکەت، ب ئەرکێن خوە رابن و ڤان بنپێکرنان راوەستینن.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری