رژێما ئیرانێ «زارا محه‌مه‌دی» مامۆستایا زمانێ کوردی 5 سالان زیندان كر

Zara Mihemedî-زارا محه‌مه‌دی

ل باژارێ سنە یێ رۆژهلاتێ کوردستانێ مامۆستایه‌كا زمانێ کوردی، کو سزایێ پێنج سال زندانیکرنێ ب سەر وێ دا هاتییە سەپاندن، ژ بۆ جێبه‌جێكرنا سزای، هات بانگکرن و سزا ب سەر وێ دا تێ جێبه‌جێ كرن.

زارا محەمەدی کو ئەنداما ئەنجوومەنا «نووژین» و مامۆستایا زمانێ کوردی یە ل پارێزگەها سنە یا رۆژهلاتێ کوردستانێ، ل سالا بووری ژ بەر چالاکیێن ل رێخستنا «نووژین»، ژ ئالیێ دادگەها شۆرەشێ یا سنەیێ ڤە، جەزایێ 10 سال زیندانیکرنێ بۆ وێ هاتبوو برین، پشترە ژ ئالیێ دادگەها پێداچوونێ ڤە جەزایێ وێ بۆ پێنج سالان هاتبوو کێمکرن.

ئەنجوومەنا «نووژین» د راگه‌هاندنەکێ دا ئەڤ جەزا وەک نەدادپەروەری و بێ بەلگە ب ناڤ کر.

ئەنجوومەنا «نووژین» رێخستنەکا فەرهەنگی و ئەدەبی یە، ل باژارێ سنە یێ رۆژهلاتێ كوردستانێ یه‌ ل سەر وێژە و زمانێ کوردی كار دكه‌ت.