چه‌ته‌یێن تركیێ ئۆپه‌راسیۆنا بڕینا دارێن زه‌یتوونان ل شێراوا ده‌ستپێكر

efrin-shara

چه‌ته‌یێن تركیێ، د سالا نوو دا ده‌ست ب هه‌وه‌كا نوو یا بڕینا دارێن زه‌یتوونان ل ناڤچه‌یێن عه‌فرینێ كرنه‌، گه‌ف ژی ل خودانێن داران كرنه‌ كو هه‌گه‌ر ده‌نگێ خوه‌ بكه‌ن، دێ ب سووچا په‌یوه‌ندیێ ب رێڤه‌به‌رییا خوه‌سه‌ر هێنه‌ ده‌سته‌سه‌ر كرن.

چالاکڤانێن نه‌رینگه‌ها سووریێ یا مافێن مرۆڤان، ئیرۆ رۆژا دوشه‌مبێ 3-1-2022ێ راگه‌هاندن کو چەکدارێن رێخستنا “فەیلەق ئەلشام” کو نێزیکی ئیستخباراتا ترکیێ یە، ب ئاوایەکی سیستەماتیک ده‌ست ب بڕینا دارێن زەیتوونان ل ناڤچەیا شێراوا كرنه‌.

ده‌ست نیشان كر، هه‌یا نها نێزی 750 دارێن زەیتوونێ یێن وەلاتیێن کو ب دارێ زۆرێ کۆچبەر بوون، هاتنه‌ بڕین.

ل ئالیێ دن، “فرقەیا حەمزە” بەردەوامە د ئۆپەراسیۆنێن خوە دا ژ بۆ دەست ب سه‌ر داگرتنا ب زۆر ل سه‌ر سەدان دارێن زەیتوونان، ل گوندێ مەیدانکی ل ناڤچەیا شەرایێ، وان دەست دانایه‌ سەر نێزیکی 1100 دارێن زەیتوونان كو یێن 8 وەلاتیێن گوندێ ناڤبووری نه‌.

ل گۆری نه‌رینگه‌ها سووری، كۆمێن چه‌ته‌یێن تركیێ، گه‌ف ل خوه‌دخودانێن داران كرنه‌ كو هه‌گه‌ر ئه‌و ده‌نگێ خوه‌ بكه‌ن، دێ ب سووچا په‌یوه‌ندیێ ب رێڤه‌به‌رییا خوه‌سه‌ر، هێنه‌ ده‌سته‌سه‌ر كرن.

پوستێن ھەمان بەش

پەکەکە چەوا ژ خەتا مەعسووم کۆرکماز یا 15 تەباخێ، بەر ب خەتا عەڤدللا ئۆجەلان یا 15 شوباتێ ڤە چوویە؟

زانیاریێن نه‌بهیستی ده‌ربارێ «پێنگاڤا 15 ته‌باخێ» یا په‌كه‌كێ، د ڤێ زنجیره‌ ڤیدیۆیێن «داركا مازی» دا بزانن

ژ خەتا 15ێ تەباخێ ھەیا خەتا 15ێ شوباتێ؛ د ناڤ پەکەکێ دا چەک و دژواری