ل دێرسمێ 4 ده‌ڤه‌ر وه‌ك «ده‌ڤه‌رێن سه‌ربازی» هاتن راگه‌هاندن

Dersîmê

ل پارێزگەها دێرسمێ یا باکورێ کوردستانێ، ب به‌هانه‌یا ئۆپەراسیۆنێن د چارچووڤەیا ته‌کۆشینا دژی تەرۆرێ، 4 ده‌ڤه‌ر هەتا داوییا سالێ وەک «ده‌ڤه‌رێن سه‌ربازی یێن تایبه‌ت»، هاتن راگه‌هاندن.

پارێزگه‌ها دێرسمێ راگه‌هاند، ب سەدەما ئۆپەراسیۆنێن د چارچووڤەیا ته‌کۆشینا دژی تەرۆرێ دا کو ب بریارا سەرۆککۆماریێ دهێن برێڤەبرن، ده‌ڤه‌رێن «گەلیێ ئەل و چەمێ کران یێن سەر ب ناڤچەیا خۆزاتێ و ل ده‌ڤه‌رێن ئەگەرج و کارادەرە یێن سەر ب ناڤچەیا پولورێ» ڤه، ‌هەتا 31ێ کانوونا 2022ێ وەک «ده‌ڤه‌رێن سه‌ربازی یێن تایبه‌ت» هاتن راگه‌هاندن.

د داخویانیا پارێزگه‌هێ دا هاتییه‌ گۆتن كو ئەڤ بریار ب ئارمانجا ئەولەکارییا گیان و مالێ وەلاتییان هاتیە وەرگرتن و د ڤێ چارچووڤێ دا دێ بریار هێته‌ جێبه‌جێ كرن.

ل پارێزگەهێن باکورێ کوردستانێ ب سالانە ب به‌هانه‌یێن جۆربجۆر قەدەغە دهێنه‌ راگهاندن و ئەڤ ژی ژ گەلەک ئالییان ڤە كارتێكرنێ ل سەر ژیانا وەلاتییان دکەت.