سیاسەتمەدارەکێ رۆژئاڤایێ کوردستانێ رادگەھینیت، ژ بلی وێرانکاریێ پەکەکێ هیج سوودەک ژ بۆ عەفرینێ نەبوویە.
سیاسەتمەدار و رێڤەبەرێ رابیتەیا کوردێن سەربخوە ل سووریێ ئازاد عۆسمان ژ بۆ باس نیوزێ راگەھاند: چار سالە کۆچبەرێن عەفرینێ ل کامپا شەھبا دا د ژیانەا زەحمەت دا دژین.
ئازاد عۆسمان گۆت: پەکەکە رێ ب وان کۆچبەران نادەت کو کامپێ بجیھ بھێلن و ڤەگەرن عەفرینێ. وەکی کو د گرتیگەھێ دا نە دانووستانێ ل گەل وان دکەن.
سیاسەتمەدارێ کورد ئاماژە ب کۆنترۆل و لێگەرینێن چەکدارێن پەکەکێ یێن ل کامپێن کۆچبەرێن عەفرینێ کر و راگەھاند: ئەگەر بخوازن ڤەگەرن عەفرینێ پەکەکە وان کەسان دگریت و دەست دانیتە سەر تەلەفۆن و تشتێن وان.
ئازاد عۆسمان راگەھاند، ل گەل رێگریێن پەکەکێ یێن سالا بۆری، زێدەتر ژ ھەزار و 200 مالباتێن کۆچبەرێن عەفرینێ ڤەگەریانە سەر مال و حالێن خوە.
ھەروەھا دیار کر: “ژ بلی مالوێرانیێ، وێرانکاریا ئابۆری و ھلوەشاندنا مالباتان و قوتکرنا ب ھەزاران جوانان ژ خواندنێ و برنا وان ژ بۆ ئەنیێن شەری، پەکەکێ هیچ تشتەکێ دی ژ بۆ ھەموەلاتیێن عەفرینێ نەکریە.”
ئازاد عۆسمان ھێڤیا ڤەگەراندنا ھەموو کۆچبەرێن عەفرینێ ژ بۆ باژارێ خوە خواست، کو ئێدی پەکەکە وان ژ بۆ بەرژەوەندیێن خوە بکارنەینیت.
