دهولهتا تركیێ ئامارا زیانێن گیانی یێن رێخستنا پهكهكێ یێن سالا 2021ێ راگههاند و ل گۆری وێ 809 چهكدار هاتنه كوشتن، پهكهكێ ژی هێژان چ داخویانی نهدانه.
وهزارهتا كارێن ناڤخوه یا تركیێ ئهشكهره كر، د سالا 2021ێ دا 809 چهكدارێن رێخستنا پهكهكێ هاتنه كوشتن، 84 ژێ فهرماندار و بهرپرس بوونه.
دهستنیشان كر، د ناڤا وان دا، 11 بهرپرسێن پایهبلند یێن پهكهكێ هاتنه كوشتن كو د لیستێن داخوازكرییان یێن دهولهتێ ده جهـ دگرتن.
وهزارهتا ناڤخوه ههر ل دهربارێ ئامارا 2021ێ دیار كر، 200 چهكدارێن پهكهكێ ژی ب رێیا رازیكرنێ، خوه رادهست كرنه.
رێخستنا پهكهكێ، هێژان ئامارا زیانێن گیانی یێن ئارتێشا تركیێ بهلاڤ نهكرنه و چ داخویانی ل دهربارا ڤێ ئامارێ نهدانه.
ههر یێك ژ ئارتێشا تركیێ و رێخستنا پهكهكێ سالانه ئامارا زیانێن گیانی یێن ههڤ بهلاڤ دكهن، لێ بهلێ ههردو ئالی راست نابێژن، ههر یێك ژ وان ههژمارێن ههری زێده یێن كوشتیێن ئالیێ بهرانبهر رادگههینیت، لێ بهلێ تشتێ راست تهنێ ئهڤه كو گهلێ باشوورێ كوردستانێ زهرهمهندێ سهرهكی یێ ڤی شهری یه كو ب سهدان گوندێن وان كرنه ناڤچهیێن عهسكهری و ژیان ل وهلاتیێن گوندان پڕ زهحمهت كرییه.