ل دیاربەکر ب ناڤێ سەرۆکێ مەھەپێ دەولەت باخچەلی دارستانەک دهێتە چێکرن.
ل گۆر ئاگاھداریان شاخا مەھەپێ یا دیاربەکرێ ب ناڤێ سەرۆکێ مەھەپێ ل دیاربەکرێ دارستانەکێ چێدکون و دەست ب چاندنا داران ژی کریە. والیێ دیاربەکرێ ژ بۆ دارستانێ جھ ژ بۆ مەھەپێ دیارکریە و شاخا مەھەپێ ژی دەست چاندنا داران کریە و دبێژن ھەتا داوییا ڤێ مەھێ چاندنا داران ژی دێ ب داوی هێت.
سەرۆکێ مەھەپێ یێ دیاربەکرێ د داخوویانیەکێ دا ژ بۆ دیارکرنا جھێ دارستانێ و هاریکاریا کو ھاتیە کرن سپاسیا والیێ دیاربەکرێ و بەرپرسێن دەزگەھێ دارستانا دکەت. ھەروەھا سەرۆکێ مەھەپێ یێ دیاربەکرێ د داخوویانیا خوە دا دبێژیت: “دێ د دارستانێ دا 10 ھەزار دار هێنە چاندن و دێ ھەر دارەک ب ناڤێ ئەفسەرەکێ کو ھاتیە شەھید کرن هێت ناڤکرن.”
د ڤێ دەربارێ دا ئۆدەیا ئەندازیارێن دیاربەکرێ داخویانیەک پارڤە کر و راگهاند: ژ بۆ چ ھوون ل دەڤەرەکا وەک دیاربەکرێ ب ناڤێ باخچەلی دارستانا چێدکەن؟ باخچەلی ل دژێ کوردا دئاخڤیت و باخچەلی دژمنێ کوردایە. ب سەدان ناڤدارێن دیاربەکرێ ھەنە ناڤێ ھندەک ژ وان ل سەر دارستانێ دانن.
ل ھمبەر داخوویانیا ئۆدەیا ئەندازیاران، شاخا مەھەپێ ل دیاربەکرێ داخویانیەک راگھاند و دبێژیت: دەستەیا کارمەندێن مەھەپێ یێن شاخا دیاربەکر ھەموو دیاربەکرینە و پرانیا وان ژی کوردن. گەلەک داخویانیێن سەرۆکێ مە باخچەلی د دەربارێ کوردان دا ھەنە. داخویانیەکا باخچەلی ئەڤەیە: “برایێن مەیێن کورد پارچەیەک ژ ملەتێ مەنە، یەکگرتنا پەکەکێ و کوردا ب ھەڤرا خیانەتە.”
د ھلبژارتنێن پارلەمەنتۆیێ یێ سالا 2018ێ دا مەھەپێ ل دیاربەکرێ %1.34 دەنگ دەستڤە ئانیبوون.
