پلاتفۆرما زمانێ کوردی ئیرۆ 6/1/2022 د پەیامەکێ دا بانگ ل ھلبژارتنا “دەرسا بژاردە” دکەت و رادگھینیت، “دەرسا بژارتە ھەلوەستەکە زمانییە. ئەم ڤێ دەرفەتا کو ھەیە باش بجیھ بینین، دێ د پێشەرۆژێ دا دەرگەھ ل بەر پەروەردا ب زمانێ دایکێ ژی ڤەبیت.”
پەیاما پلاتفۆرما زمانێ کوردی:
پشتی سەرسالێ دەمەکێ نوو ژ بۆ قۆتابخانەیان دەستپێ دکەت. نھا دەما کو خوەندکار ھنەک دەرسێن خوە ھلبژێرن. ئەم دزانن کو دەرفەتا مرۆڤان ل دبستانان ھەیە کو دەرسا زمانێ کوردی ژی ھلبژێرن. ئەڤە مافەکە کو دڤێت کورد ب ھەموو ئاوایان خوەدی لێدەرکەڤن. ھەر چقاسی ئارمانجا مەیا سەرەکە ھەموو پەروەردە ب زمانێ دایکێ بیت ژی، دڤێت زمانێ کوردی وەکە دەرسا بژارتە، ژ ئالیێ ھەموو کوردان ڤە وەکە گاڤا ئێکێ بهێتە نرخاندن. دەرسا بژارتە ھەلوەستەکە زمانییە. ئەم ڤێ دەرفەتا کو ھەیە باش بجیھ بینین، دێ د پاشەرۆژێ دا دەرگەھ ل بەر پەروەردا ب زمانێ دایکێ ژی ڤەبیت.
ل گەل دەمی دا دێ ھەوجەداریا ھەژمارا مامۆستایێن زمانێ کوردی زێدە بیت و زانینگەھ ژی مەجبوورن ل گۆری ڤێ راستییێ مامۆستەیێن کوردی پەروەردە بکەن. مامۆستایێن کوردی کو ھەنە ژی ب ڤی ئاوەیی دبنە خوەدی کار. ئەڤ ژی ژ بۆنا خورتکرنا پەروەردا ب زمانێ کوردی دەستکەفتیەکە مەزنە. د ڤێ مژارێ دا چقاس زۆر و زەحمەتی ھەبیت ژی، دڤێت دایک و باب خوەدی ل زمانێ کوردی دەرکەڤن.
گەلی کوردان! د مالا خوە دا، ل کۆلان و بازاران ب کوردی ب ئاخڤن. سیاسەتێ ب کورد بکن!
ئەم وەکە پلاتفۆرما زمانێ کوردی بانگی ھەموو کوردان دکەین کو د مەدرەسێ دا دەرسا زمانێ کورد ھلبژێرن. چ کورمانج چ زازا بێ جودابوون، دڤێت زارۆکێن مە د مەدرەسێ دا زمانێ خوە ھلبژێرن. ئیرۆ د خەباتا پەروەردێ دا ئەڤە مافەکە، دڤێت ئەڤ مافێ زمانی ب ھشمەندی بهێتە بکارانین.
بانگا مە ژ بۆ ھەموو پارتیێن سیاسی، سازیێن سڤیل، مەدیا کوردی، رەوشەنبیر و ھونەرمەندان ئەڤەیە؛ ھەر کەس ژ ئالیێ خوە دا بلا خوەدی ل دەرسا زمانێ کوردی دەرکەڤن. دیسا ب دەرفەتێن خوە ژی زمانێ خوە فێرببن. زانابوونا زمانێ کوردی د ناڤا کوردان دا بلا ببیتە پیڤانەکا سییاسی. کورد دڤێت زمانێ خوە د چالاکییان دا باش بکاربینن. د پرسا زمانی دا ئەم ب ھشمەندی و ھەستیاری تەڤبگەرین. ئەم ب ھەڤدو را ژ بۆ زمانێ کوردی کار بکەین، ھەڤبەش ببین، ھشمەندیا زمانێ کورد بلند بکەین. نڤیساندن، خوەدن و ئاخافتنا ب زمانێ کورد بلا ببیتە ھەلوەستەکا خوەزایی و نەتەوی د ناڤا جڤاکا کوردان دا.
پلاتفۆرما زمانێ کوردی
دیاربەکر 6-1-2021
