بەرپرسەکێ پەدەکێ راگەھاند، ل شنگالێ کادرەکێ مە ژ لایێ چەکدارێن پەکەکێ ڤە ھاتیە تەرۆرکرن.
بەرپرسێ مەدیایا لقا 17 یا پەدەکێ ل شنگالێ، ئدریس زۆزانی ژ بۆ باس نیوسێ ئاخڤی و گۆت، کادرەکێ پەدەکێ ب ناڤێ ئەحمەد حوسێن، رۆژا 6 ڤێ مەھێ ژ ئالیێ چەکدارێن پەکەکێ ڤە ھات رەڤاندن. دوھی دانێ سپێدێ تەرمێ وی ل شنگالێ ھات دیتن.
ئدریس زۆزانی ھەر وەھا گۆت، ئەو کادرێ پەدەکێ خەلکێ ناحیا خانەسۆرا شنگالێ بوو و چووبوو شنگالێ مالا مرۆڤێن خوە لێ ژ ئالیێ چەکدارێن پەکەکێ ڤە ھاتە رەڤاندن و کوشتن.
وی بەرپرسێ پەدەکێ ئانی زمان کو بەرپرسیاریا کوشتنا کادرێ وان د ستوویێ حکوومەتا ئیراقێ دایە و گۆت، ئەم دێ ل دادگەھێ سکالایێ تۆمار کەین و ژ مافێ خوە ژی خوەش نابین. ئەڤە نە جارا یەکەمینە کادر و ئەندامێن مە تێنە رەڤاندن و کوشتن. ھەتا نھا ب دەھان کەس ژ ئالیێ پەکەکێ ڤە ھاتنە رەڤاندن و کوشتن لێ مخابن بەغدا حەتا نھا ژی ل ھەمبەر وان کریارێن پەکەکێ بێدەنگە.
