دو TNT كو رێخستنا په‌كه‌كێ ل گوندێ هرۆرێ یێ ده‌ڤه‌را به‌رواری بالا دانابوون، ئیرۆ هاتن دیتن و ژ ناڤ برن.
چاڤكانیێن پێگه‌ها داركا مازی ئه‌شكه‌ره كرن، ئیرۆ رۆژا شه‌مبی 8/1/2022ێ دو TNT یێن كو رێخستنا په‌كه‌كێ ل رۆژئاڤایێ گوندێ هرۆرێ یێ ده‌ڤه‌را به‌رواری بالا گرێدای پارێزگه‌ها دهۆكێ دانابوون، ژ هێلا هێزێن ئه‌وله‌هیێ یێن باشوورێ كوردستانێ هاتن ژ ناڤ برن.
ده‌ست نیشان كر، رێخستنا په‌كه‌كێ ئه‌ڤ دو TNT ب دووراتییا 200 مه‌تران ژ بورجێ كۆمپانییا كۆره‌ك دانابوون.
هێژای گۆتنێ یه، ته‌نێ د سالا رابووری 2021ێ دا رێخستنا په‌كه‌كێ 15 TNT ل سه‌ر رێیا پێشمه‌رگه‌هان و گوندێن باشوورێ كوردستانێ دانابوون، پرانی ژێ ژ هێلا هێزێن ئه‌وله‌هیێ هاتن ژ ناڤ برن.
