197 کەسێن دی ژ رۆژئاڤایێ کوردستانێ پەنابەری ھەرێما کوردستانێ بوون

197 کەسێن دی ژ رۆژئاڤایێ کوردستانێ پەنابەری ھەرێما کوردستانێ بوون

ژ بەر تێکچوونا ئەولەھیێ و خرابیا رەوشا ئابووری پێلەکا پەنابەریێ ژ رۆژئاڤایێ کوردستانێ دەست پێ کریە، پێل بەردەوامە و تا نھا ب سەدان کەس ژ ھەر نفشەکێ ب تایبەتی گەنجان گەھشتینە ھەرێما کوردستانێ.

یەکەم گرووپ 53ێ کوردێن رۆژئاڤایێ کوردستانێ پەنابەری ھەرێما کوردستانێ بوون، پشترا 83 کوردێن دی یێن رۆژئاڤایێ کوردستانێ پەنابەری ھەرێما کوردستانێ بوون، لێ دوھ یەکشەمبێ 9ێ چلەیا 2022یێ، ئامارەک فەرمی دەرکەت کو تێ دا هاتیە دیارکرن، نێزیکی 200 کەسان دەرباس بوونە.

کاروان ئەترووشی بەرپرسێ راگھاندنێ یێ کۆچ و کۆچبەران و بەرسڤدانا کریزان ل پارێزگەھا دوھۆکێ راگھاند، کو 197 پەنبارێن رۆژئاڤایێ کوردستانێ گھشتنە دوھۆکێ. ناڤبووری دا زانین کو ئەو پەنابەر ل کامپا بەردەرەش ھاتنە بجیکرن و پێدڤی و ئالیکاری ل سەر وان دا ھاتنە دابەشکرن.

بەریا نھا دەزگەھێ خێرخوازی یێ بارزانی راگەھاندبوو، کو رۆژانە کوردێن رۆژئاڤایێ کوردستانێ ل گوندێ سحێلا بەرێ خوە ددەنە ھەرێما کوردستانێ، و دەما کو دگەهنە ھەرێما کوردستانێ دەزگەھێ خێرخوازیێ بارزانی ئالیکاریان ب سەر وان دا دابەش دکەت.